Muddati tugamasdan o‘qituvchining toifasi tushirilishi to‘g‘rimi?
@Yurist_Xizmati 5190-savol:
Assalomu alaykum. Men o‘qituvchiman. Muddati tugamasdan o‘qituvchining toifasi tushirilishi mumkinmi? Maktab zavuchi muddati keldi deb meni navbatdagi attestatsiyada ishtirok etish uchun ariza tashlattirdi. Meni navbatim kuzda kelar edi. Men attestatsiyaga test topshirgani bora olmadim. Keyin ma'lum bo‘ldiki, meni toifamni 1 dan 2-toifaga tushirib sertifikat keldi. Sentabrdan boshlab oyligim 2-toifaga to‘lanmoqda. Shu to‘g‘rimi?
YURIST JAVOBI:
Vazirlar Mahkamasining 2021 yil 17 sentyabrdagi 572-son qaroriga 1-ilovada tasdiqlangan «Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida»gi Nizom 4-bandida pedagog kadrlar har besh yilda bir marta navbatdagi majburiy attestatsiyadan o‘tkazilishi belgilangan.
♂️ Bunda navbatdagi majburiy attestatsiya natijalariga ko‘ra amaldagi malaka toifasi (lavozimi) oshirilgan, saqlangan yoki tushirilgan, shuningdek, navbatdan tashqari attestatsiya natijalariga ko‘ra amaldagi malaka toifasi (lavozimi) oshirilgan yoki saqlangan pedagog kadrlar navbatdagi majburiy attestatsiyaga besh yildan so‘ng jalb etiladi.
❗️Demak, sizdagi holatda majburiy attestatsiya oldingi safar attestatsiyadan o‘tganingizdan keyin 5 yil o‘tib o‘tkazilishi kerak.
‼️Bu holatda attestatsiya natijalarini bekor qilib bo‘lmaydi. Shu sababli siz endilikda navbatdan tashqari attestatsiyada qatnashishingiz kerak.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati