Maktab sinf xonalariga kamera o‘rnatilishi huquqiy asosga egami?
@Yurist_Xizmati 5158-savol:
Salom. Maktabimizga hamma sinf xonasiga kuzatuv video kamera ovozli qo‘yish kerak deb direktorimiz aytdi. Ichki ichshlar ham shu kameraga ulanib bizani har bir sinfni nazorat qilib turadi ekan. Har bir sinf va fan xonalariga ovozli video kamera o‘rnatish mumkinmi? Bu bizaning insoniy haq huquqlarimizga to‘g‘ri keladimi. Chunki doimiy kimdir bizani kuzatib nazorat qilib turishi to‘g‘rimi? Man dars o‘tadigan jarayonlarni doim kimdir kuzatib o‘tirishini sezsam sifatli dars o‘tolmayman erkin dars o‘tolmayman
YURIST JAVOBI:
Umumiy o‘rta ta’lim muassasalarida xavfsizlikni ta’minlash va o‘quvchilarning davomatini uzluksiz kuzatib borishni yo‘lga qo‘yish maqsadida «Xavfsiz maktab» tizimi joriy etiladi.
Mazkur tashabbus «2022–2026 yillarda xalq ta’limini rivojlantirish bo‘yicha milliy dastur» doirasidagi ustuvor yo‘nalishlardan biri hisoblanadi.
«Xavfsiz maktab» tizimining asosiy maqsadlari quyidagilardan iborat:
➡️ Xavfsizlikni ta’minlash:
• Umumiy o‘rta ta’lim muassasalari hududida xavfsizlikni ta’minlash.
➡️ Davomat monitoringi:
• O‘quvchilar davomatini doimiy ravishda monitoring qilish.
Mazkur tizimni amaliyotga tadbiq etish bosqichida, avvalo, umumiy o‘rta ta’lim muassasalarida videokuzatuv kameralari va biometrik identifikatsiya vositalarini o‘rnatish bilan bog‘liq moliyalashtirish manbalari aniqlanadi.
Rejaga ko‘ra, 2024 yil 1 yanvarga qadar «Xavfsiz maktab» loyihasi kamida 130 ta umumiy o‘rta ta’lim muassasasida tatbiq etilishi, 2025 yil 1 sentyabrga qadar esa barcha umumiy o‘rta ta’lim muassasalarida bosqichma-bosqich to‘liq joriy etilishi nazarda tutilgan.
❗️Shunday ekan, hozirda maktablarga kameralar o‘rnatish huquqiy asosga ega.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati