Dekretdagi xodim ishiga qaytganda, o‘rniga olingan xodim bilan mehnat shartnomasi bekor qilinadimi?
@Yurist_Xizmati 5159-savol:
Assalamu aleykum men maktabda uqituvchiman, dekretdagi xodim urniga kirganman va 2 yildan beri faoliyat yuritaman, agar dekretdagi xodim qaytgan taqdirda meni soatlarim qanday bulinadi yoki 3271 mezonga asosan ustuvorlik buyicha taqsimlanadimi yoki umuman xamma soatlarim olib quyiladimi?(Oldindan raxmat javob uchun
YURIST JAVOBI:
✅ Bu holatda sizni ishdan bo‘shatish mumkin. Dekretga ketgan xodim o‘rniga boshqa xodimni ishga qabul qilish mumkin. Buning huquqiy asoslari mavjud.
❗️Mehnat kodeksining 112-moddasiga muvofiq mehnat to‘g‘risidagi qonunchilikka va mehnat haqidagi boshqa huquqiy hujjatlarga, mehnat shartnomasiga muvofiq ish joyi o‘zida saqlanib qoladigan, yo‘q bo‘lgan xodimning majburiyatlarini bajarish vaqti uchun muddatli mehnat shartnomasi asosida yangi xodimni ishga qabul qilish mumkin bo‘ladi. Bunda xodim boshqa joyda ishlasama, u asosiy xodim sifatida ishga olinadi, biroq shartnoma muddatli holatda tuziladi.
Ushbu kodeks 237-moddasida homiladorlik va tug‘ish ta’tillari, bola parvarishlash ta’tili ijtimoiy ta’til ekanligi keltirilgan.
♂️ Endi qarang! MK 239-moddasida barcha ijtimoiy ta’tillar vaqtida xodimning avvalgi ish joyi (lavozimi) saqlanib qolishi belgilangan. Mana shu qoidaga ko‘ra ish beruvchi dekretga ketgan xodim o‘rniga yangi xodimni ishga olishi mumkin. Bunda ish beruvchi muddatli mehnat shartnomasi asosida boshqa xodimni ishga olishi mumkin bo‘ladi. Agar siz bilan haqiqatda muddatli mehnat shartnomasi imzolashgan bo‘lsa, unda siz ishdan bo‘shashingiz to‘g‘ri.
Qarang! Mehnat kodeksining 158-moddasiga ko‘ra muddatli mehnat shartnomasi uning amal qilish muddati tugashi bilan bekor qilinadi. Mehnat shartnomasini uning amal qilish muddati tugaganligi munosabati bilan bekor qilish to‘g‘risida yakka tartibdagi mehnatga oid munosabatlarni ushbu asos bo‘yicha tugatishga qaror qilgan taraf boshqa tarafni mehnat shartnomasi bekor qilinguniga qadar kamida uch kalendar kun oldin yozma shaklda ogohlantirishi kerak.
Mehnat kodeksining 409-moddasida uch yoshgacha bo‘lgan bolasi bor xodim bilan mehnat shartnomasini bekor qilishdagi kafolatlar belgilangan. Biroq bu kafolatlar muddatli mehnat shartnomasiga nisbatan tatbiq etilmaydi.
❗️Shunday ekan, dekretdagi xodim ishga qaytsa, siz bilan tuzilgan mehnat shartnomasi bekor qilinadi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati