Elektr energiya uchun to‘lovlar avtoto‘lov bo‘lsada, HETK xodimlari kelib honadonlarni tekshirishi to‘g‘rimi?
@Yurist_Xizmati 5161-savol:
Assalamu aleykum. Xozirgi vaqtda xonadonlar elektr energiyaga avtomat ulangan. Yani elektron to‘lov orqali tolaymiz. Elektr energiyadan kelib qopol muomilada bolib schetchik tekshirvomiz deb 3 ta barzangi erkak tekshirishga buyruq xujjat bormi disam siz tadbirkormisiz deb xich qanday xujjat korsatmasdan keyin sizi belgilab qoydik deb o‘chirib qoyamiz endi sizi xonadonni belgilab oldik diyish togrimi? Savolga yuridik javob olish narxi qanchadan?
YURIST JAVOBI:
Albatta, sizga nisbatan qo‘pol munosabatda bo‘lishlar noto‘g‘ri. Ammo tekshiruv o‘tkazishlari qonunan to‘g‘ri hisoblanadi.
Vazirlar Mahkamasining 2024-yil 31-maydagi 319-son qarori bilan tasdiqlangan "Elektr energiyasidan foydalanish QOIDALARI"ning 15-bandiga muvofiq Hududiy elektr tarmoqlari korxonasi xodimi O‘zenergoinspeksiya ko‘rsatmasi yoki energiya resurslaridan foydalanish talablariga amal qilinishini tekshirish, shu jumladan, hisoblagichlarni ko‘zdan kechirish uchun hududga kirishga qarshilik qilganda, texnik nosoz va avariya keltirib chiqarish mumkin bo‘lgan qurilmalardan foydalanilganda, elektr ta’minoti yetkazib berish to‘xtatib qo‘yish (o‘chirish)ga majbur. Bu ularning huquqi emas, balki majburiyatidir.
♂️ Bu degani ular tekshirishni amalga oshirish uchun qandaydir hujjat chiqarishmaydi. Siz ulardan faqat xizmat kimligini aniqlashtirib xizmat guvohnomalarini so‘rashingiz mumkin.
⚠️ Zero, yuqorida keltirilgan hujjatning 12-bandida iste’molchi belgilangan tartibda HETK va O‘zenergoinspeksiya xodimiga xizmat guvohnomalari bo‘lgan taqdirda, sutkaning istalgan vaqtida hisoblagich ko‘rsatkichlarini yozib olish va ularning holati, ulanish sxemalari va qurilmalarini ko‘rikdan o‘tkazish uchun to‘sqinliksiz borib ko‘rish imkonini berish (maishiy iste’molchilardan tashqari)ga majburlar deb belgilangan.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati