Mahalla raisligiga nomzodlar Hokimiyat tavsiyasiga ko‘ra qo‘yiladimi yoki xalq tavsiyasiga qo‘ra?
@Yurist_Xizmati 5123-savol:
Mahalla raisligiga nomzodlar Hokimyat tavsiyasiga ko‘ra qo‘yilami yoki xalq tavsiyasiga ko‘ra qo‘yilami yoki Hokim tavsiya berami?
YURIST JAVOBI:
Fuqarolar yig‘ini raisi saylovi to‘g‘risidagi qonun 16-moddasi Fuqarolar yig‘ini raisi lavozimiga nomzodlar ko‘rsatish tartibi belgilangan.
Ushbu normaning birinchi qismiga ko‘ra fuqarolar yig‘ini raisi lavozimiga nomzodlar ko‘rsatish tegishli hududda doimiy yashovchi fuqarolarning fikri inobatga olingan holda ishchi guruh tomonidan amalga oshiriladi.
✅ Demak, mahallada raislika nomzodlarni tasodifiy odamlar emas, balki maxsus tuzilgan ishchi guruh ko‘rsatadi.
❗️Ishchi guruh bu ishni qilishda shu mahallada doimiy yashaydigan fuqarolarning fikr-mulohazalarini hisobga olishi kerak. Ya’ni, mahalla aholisining xohish-istaklari e’tiborga olinishi shart.
Shuningdek, mazkur normaning ikkinchi qismi mazmuni dalolat beradiki, ishchi guruh nomzodlar haqidagi barcha kerakli hujjatlarni tayyorlashi va saylov o‘tkazilishidan kamida 10 kun oldin tuman yoki shahar hokimi bilan kelishish uchun maxsus komissiyaga topshirishi kerak. Bu hujjatlar orasida har bir nomzodning "men roziman" degan mazmundagi yozma roziligi bo‘lishi shart. Ya’ni, nomzod o‘z xohishi bilan saylovda qatnashishi kerakligini tasdiqlaydi.
Bunda hokim taqdim etilgan nomzodlarning hujjatlarini o‘rganib chiqadi va har bir nomzod bo‘yicha o‘z xulosasini beradi. Bu xulosalar asoslantirilgan bo‘lishi, ya’ni aniq sabablarga tayanishi kerak. Hokim o‘z xulosalarini komissiyalarga yuboradi, ular esa bu xulosalarni ishchi guruhga yetkazadi.
☝️E’tibor bering! hokim xulosasini olgandan keyin, ishchi guruh kelishilgan (ya’ni hokimlik tasdiqlagan) nomzodlar haqidagi ma’lumotlarni saylovga kamida 5 kun qolganida fuqarolarga tanishish uchun e’lon qiladi.
Bu e’lonlar mahalla binosi va guzarlarda (mahalla markazlari yoki odamlar to‘planadigan joylarda) osib qo‘yiladi. Bu bilan odamlarga nomzodlar haqida oldindan ma’lumot beriladi va saylovga tayyorgarlik ko‘rish imkoniyati yaratiladi.
✅Xulosa qiladigan bo‘lsak, mahalla raisligiga nomzodlar jarayonning xalq fikri asosida tanlanishi kerak, shundan so‘ng ular hokimiyat tavsiyasi (yoki tasdiq-xulosasi) orqali nomzodlar ro‘yxatiga qo‘shiladi. Keyin faqat hokimiyat bilan kelishilgan nomzodlargina rasmiy saylovga qo‘yiladi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati