SAVOL:
Men dekretdan farzandim ikki yoshga to‘lmasidan ishga qaytganman. Savolim shuki, farzandim yosh bo‘lganligi sababli ish kuni davomida menga qandaydir qo‘shimcha tanaffus berilishi kerakmi yo‘qmi ?
⚡️ JAVOB:
Mehnat kodeksining 407-moddasiga asosan,
➖ Ikki yoshga to‘lmagan bolaning ota-onasidan biriga (vasiysiga) dam olish va ovqatlanish uchun tanaffusdan tashqari bolani ovqatlantirish uchun qo‘shimcha tanaffuslar beriladi. Bu tanaffuslar kamida har uch soatda, har biri o‘ttiz daqiqadan kam bo‘lmagan davomiylikda beriladi. Ikki yoshga to‘lmagan ikki yoki undan ortiq nafar farzandi bo‘lgan taqdirda, tanaffusning davomiyligi kamida bir soat qilib belgilanadi. Bolani ovqatlantirish uchun tanaffuslar ish vaqtiga kiritiladi va o‘rtacha ish haqi bo‘yicha haq to‘lanadi deb belgilangan.
✅ Ikki yoshga to‘lmagan bola otasining yoki onasining (vasiysining) xohishiga ko‘ra bolani ovqatlantirish uchun tanaffuslar dam olish va ovqatlanish uchun tanaffusga qo‘shib berilishi yoxud ish kunining (smenaning) tegishincha qisqartirilgan holda boshiga yoki oxiriga ko‘chirilishi, shu jumladan jamlangan holda ko‘chirilishi mumkin. ✏️ Demak, bu tanaffusdan o‘z vaqtida har uch soatda yoki xammasini jamlagan holda bir vaqtda xam foydalanish mumkin.