Homilador ayol bilan ajrashish mumkinmi?
@Yurist_Xizmati 5070-savol:
Homilador holda farzand tug‘ilmasdan hotinim bilan ajrashsam. Bola tug‘ilmasdan ajrashsam qonunda qanaqa qaror chiqadi?
YURIST JAVOBI:
Ajrashish masalasiga kelsak, Oila kodeksi 39-moddasiga binoan xotinining homiladorlik vaqtida va bola tug‘ilganidan keyin bir yil mobaynida er xotinining roziligisiz nikohdan ajratish to‘g‘risida ish qo‘zg‘atishga haqli emas.
Shuningdek, Oliy sudi Plenumining 2011 yil 20 iyuldagi 06-sonli «Sudlar tomonidan nikohdan ajratishga oid ishlar bo‘yicha qonunchilikni qo‘llash amaliyoti to‘g‘risida»gi qarorining 6-bandiga ko‘ra yuqoridagi qoida bola o‘lik tug‘ilgan yoki bir yoshga to‘lmay vafot etgan hollarga ham tatbiq etiladi.
❌ Shunga ko‘ra siz bola tug‘ilib, u 1 yoshga to‘lguncha ajrashishga ariza bera olmaysiz, bersangiz ham foydasiz. Sud baribir ko‘rishni rad qiladi. Lekin arizani xotiningiz bersa, sud ishni ko‘rib chiqadi.
telegram kanal-yurist xizmati