PЕNSIONЕRLAR MOL-MULK SOLIG‘I BO‘YICHA IMTIYOZGA EGA.
⚡️SAVOL:
Uyimiz otamni nomida. Otam pensioner. Eshitishimga qaraganda pensionerlar mol-mulk solig‘i bo‘yicha imtiyozga ega ekan. Otam mol-mulk soliqlarini shu kungacha hech qanday imtiyozsiz to‘lab kelmoqda. Savolim shundayki, hozirgi kunda anashu imtiyozdan foydalanishimiz uchun biz nima qilishimiz kerak, ya’ni qanday qilib mol-mulk solig‘ini imtiyozli shakilda to‘lashimiz mumkin ?
⚡️JAVOB:
Haqiqatdan xam pensionerlar mol-mulk solig‘i bo‘yicha imtiyozga ega. Faqat to‘liq miqdorda emas!
Soliq kodeksining 421-moddasiga ko‘ra, pensionerlar mulkida bo‘lgan mol-mulk solig‘idan OLTMISH KVADRAT MЕTR doirasida soliq solishdan ozod qilinishi ko‘rsatilgan.
❗️Pensionerlar bu huquqlaridan foydalanish uchun soliq imtiyozini olishga bo‘lgan huquqini tasdiqlovchi hujjati (Pensiya guvohnomasi)ni soliq solish obyekti joylashgan yerdagi soliq organlariga mustaqil ravishda taqdim etish yo‘li bilan foydalanishlari mumkin.
✏️ Demak, uy otangizni nomida bo‘lsa ushbu imtiyozdan foydalanish uchun otangizni shaxsan o‘zi pensiya guvohnomasini olib o‘zi yashab kelayotgan hududga qaraydigan soliq organiga borishi kerak bo‘ladi.