Ma’muriy sudlarda yutqizgan, fuqaroni yoki tadbirkorni sarson qilgan ma’muriy organ xodimi shunchaki jazosiz qolmasligi kerak.
Himoyamiz ostidagi fuqaro Yangihayot tuman kadastr bo‘limiga o‘zi tomonidan 2021 yilda sotib olgan yer uchastkasini davlat ro‘yxatidan o‘tkazishni so‘rab ariza bilan murojaat qiladi. Biroq kadastr bo‘limi arizani asossiz qonunda belgilanmagan asoslar bilan rad qilmoqda. Nima emish bu yer Zangiota tumanidan o‘tgan shu sababi Zangiota tumani hokimiyatidan bu joy snosga tushmaganligi to‘g‘risida ma’lumot olib kelishi kerak ekan. Baraka topgurlar qonunni bir o‘qib chiqinglar qaysi holatda ko‘chmas mulkni davlat ro‘yxatidan o‘tkazmaslik asoslari kattakon qilib yozib qo‘yibdi.
«Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida»gi qonunning 44-moddasida Ro‘yxatdan o‘tkazuvchining ko‘chmas mulkka bo‘lgan huquqlarni davlat ro‘yxatidan o‘tkazishni rad etilishi holatlari keltirilgan. Biroq mazkur moddadan agar ko‘chmas mulk jamoat ehtiyojlari uchun olinishi (snos) belgilangan bo‘lsa, bunday ko‘chmas mulkni davlat ro‘yxatidan o‘tkazish rad qilinadi deyilgan jumlani topa olmaysiz. Chunki bunday qoida mavjud emas. Ho‘p biz Zangiota tuman hokimiyatidan shunday ma’lumotnoma olib keldik ham deylik kim kafolat beradi yana otangga bor onangga bor bo‘lmasligiga.
Bunday holatlar qayta va qayta sodir bo‘layotganiga sabab nimada? Rahbar xodimlarning javobgarlikni his qilmasligida. Fuqaro va tadbirkorlarni noqonuniy xatti harakatlar bilan sarson qilganliklari uchun javobgarlikning yo‘qligida. Albatta, biz bu vaziyatda Yangihayot tuman kadastr bo‘limining xatti harakatlarini noqonuniy deb topish va ko‘chmas mulkni davlat ro‘yxatidan o‘tkazish majburiyatini yuklash bo‘yicha ma’muriy sudga murojaat qilishni reja qilganmiz. Biroq, sud majburiyat yuklagan taqdirda ham rahbarning noqonuniy xatti harakatlari, fuqaroni asossiz sarson qilgani uchun javobgarlik yo‘q. Va bu rahbar javobgarlik yo‘qligi sababli yana va yana fuqarolarni sarson qilishda davom etadi. Alam qiladigan joyi shu yerda.
Ma’muriy organ xodimlaring noqonuniy xatti xarakatlari uchun (ma’muriy sudda yutqazgani uchun) aniq javobgarlik mexanizimi ishlab chiqilma ekan fuqaro va tadbirkorlarni sarson qilish, ularni huquqlarini buzish davom etaveradi