Rossiyadan "deport" qiloladimi?
@Yurist_Xizmati 4613-savol:
Assalom aleykum Yaxshimisiz 2023 yil dekabr oyi 13 sanada ayolim vafot yetgandi xozrda 2 yoshli ugil farzandim bor Men ayolim vafotidan keyin uning oilasidagilar bilan kelisholmay koldim ular xarkun kelib oglimni olib ketmokchi bolishdi bermadim xozr oglimni olib oilaviy rossiya keganman ayolim uyidagilar maxala borib uchaskavoyga telefon nomerimni bergan menga uchaskavoy maxala boshligi agar bolani kursatmasang bular sani sudga beryapti sani rossiyadan deport kilib chakirib oladi deyapti Kanday maslaxat berasiz mani rosiyadan deportatsiya kilib uzbekiston chakirib olib biladimi. Javob uchun raxmat
YURIST JAVOBI:
❗️Rossiyadan deport qilolmaydi. Bundan umuman qo‘rqmang. Lekin ular sudga bersa, sud ularga bola bilan ko‘rishish huquqini belgilab berishi mumkin.
✅ Farzandingiz bobo-buvisi bilan va bobo-buvisi o‘zining nevarasi bilan ko‘rishish huquqiga ega. Bu huquqdan siz ularni mahrum qila olmaysiz.
Oila kodeksining 66-moddasiga ko‘ra bola otasi, onasi, bobosi, buvisi, aka-ukalari, opa-singillari va boshqa qarindoshlari bilan ko‘rishish huquqiga ega. Ota-onasining nikohdan ajralishi, nikohning haqiqiy emas deb topilishi yoki ota-onaning boshqa-boshqa yashashi bolaning huquqlariga ta’sir qilmaydi.
Ushbu kodeks 77-moddasiga asosan bobo, buvi, aka-uka, opa-singil va boshqa yaqin qarindoshlar bola bilan ko‘rishib turish huquqiga ega.
♂️ Bunda ota-ona (ulardan biri) yaqin qarindoshlarning bola bilan ko‘rishishiga imkoniyat bermasalar, vasiylik va homiylik organi ota-onani (ulardan birini) bunday imkoniyat berishga majbur qilishi mumkin.
Endi qarang! Oliy sudi Plenumining 1998 yil 11 sentyabrdagi 23-sonli «Bolalar tarbiyasi bilan bog‘liq bo‘lgan nizolarni hal qilishda sudlar tomonidan qonunlarni qo‘llash amaliyoti to‘g‘risida»gi qarorining 7-bandiga muvofiq:
boladan alohida yashayotgan ota-onaning huquqidan kelib chiqqan holda u bilan ko‘rishishda, shuningdek voyaga yetmaganning shu ota-ona bilan ko‘rishish huquq va manfaatlarini himoya qilish zaruratidan kelib chiqib, sud har bir aniq ishning holatlarini inobatga olib hal qiluv qarorining xulosa qismida ko‘rilish tartibini (vaqti, joyi, ko‘rishish davomiyligi va h.k) bayon etishi lozim.
✅ Demak, bu vaziyatda yuqoridagi organ yoki sud ularga farzandingiz bilan ko‘rishish muddati va tartiblarini belgilab berishi mumkin.