Mehnat inspektori o‘zi himoya qilayotgan xodimning ishi bo‘yicha sudda mutaxassis bo‘lolmaydi.
Xodim mehnat inspeksiyasiga ish beruvchining ustidan shikoyat qilib, uning mehnat huquqlarini himoya qilishni so‘ragan. Shu bilan bir vaqtda fuqarolik sudida ham bu fuqaroning ayni shu talabi bo‘yicha bo‘yicha sud ishi boshlandi.
Sudga fuqaro yordam so‘rab murojaat qilgan mehnat inspeksiyasi inspektorlari mutaxassis sifatida chaqirildi.
Aslida FPKning 61-moddasiga asosan shaxs mutaxassis sifatida sudda ishtirok etishi uchun birinchidan fan, texnika, san’at yoki hunar sohasida maxsus bilim va ko‘nikmaga ega bo‘lishi kerak, ikkinchidan, ishning yakunidan manfaatdor bo‘lmasligi kerak.
Yuqoridagi biz keltirgan vaziyatda sudga jalb qilingan mehnat inspeksiyasi inspektori bir vaqtning o‘zida xodimning huquqi uchun kurashayotganligi sababli, suddagi ishning yakunidan manfaatdor bo‘ladi. Ya’ni, har qanday holatda o‘zi himoya qilayotgan xodim tomoniga tushuntirish beradi.
Bunday vaziyatlarda mehnat inspektorining sud ishida mutaxassis sifatida qatnashishi FPKning 61-moddasi talablariga zid bo‘ladi.
Kecha, FIB Ohangaron sudida ish beruvchi tomonidan qatnashgan ishimizda, sud shu e’tirozlarimizni hisobga oldi va sudga kelgan mehnat inspektorlariga mutaxassis sifatida qatnashishga ruhsat bermadi