Korxonamiz chet davlat kompaniyasidan karz olmokchi 200 ming AKSH dollari. Karz uchunn xisoblanadigan foizi 20 ming
AKSH dollari. Korxonamiz solik agenti sifatida nerezidentlarga tulangan daromaddan foyda soligi tulab beradimi. Tulab bersa kancha tulaydi?
JAVOB:
Ha, 10% daromad solig‘i ushlab qolinishi kerak batafsil asoslantiraman.
Soliq kodeksining 351-moddasi birinchi qismiga asosan norezidentning O‘zbekiston Respublikasidagi manbalardan olingan va doimiy muassasa bilan bog‘liq bo‘lmagan daromadlaridan olinadigan soliq norezidentga daromad to‘lovchi soliq agenti tomonidan hisoblab chiqariladi va ushlab qolinadi. Soliqning ushlab qolinishi soliq to‘lovchining daromadlaridan bunday daromadlarning har bir to‘lovi paytida amalga oshiriladi.
Bunday daromadlar jumlasiga, xususan, O‘zbekiston Respublikasining yuridik shaxslaridan va yakka tartibdagi tadbirkorlaridan olingan har qanday turdagi qarz majburiyatlari (shuningdek foydada ishtirok yetish huquqini beruvchi obligatsiyalar va konvertatsiya qilinadigan obligatsiyalar) bo‘yicha foizlar kiradi.
Yuqoridagilarga ko‘ra, soliq agenti tomonidan (ya’ni siz tomonigizdan) norezidentga har bir foiz daromadini to‘lashda, to‘lov manbaidan Soliq kodeksining 353- moddasida belgilangan 10 foizlik stavkada soliq ushlab qolinishi lozim.