Tashkilot murojaatimga javob bermasa, qanday chora ko‘riladi?
@Yurist_Xizmati 4490-savol:
U yoki bu tashkilotga murojaat qilinda , lekin tashkilot belgilangan muddat (15 yoki 30 kun ) ichida murojaatga rasman javob bermadi, tashkilot qanday javobgarlikka tortiladi? Bunday holatda kimga murojaat qilish kerak?
YURIST JAVOBI:
✅ Bunday holatda o‘sha tashkilotning yuqori turuvchi organiga yoki prokuraturaga murojaat qilish lozim.
Qarang! Jismoniy va yuridik shaxslarning murojaatlari to‘g‘risidagi qonun 28-moddasiga ko‘ra ariza yoki shikoyat masalani mazmunan hal etishi shart bo‘lgan davlat organiga, tashkilotga yoki ularning mansabdor shaxsiga kelib tushgan kundan e’tiboran o‘n besh kun ichida, qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda esa, bir oygacha bo‘lgan muddatda ko‘rib chiqiladi.
❗️Shunday ekan, murojaat ko‘pi bilan 30 kun ichida ko‘rib chiqilishi kerak.
Qonunning 30-moddasida murojaatlar to‘g‘risidagi qonunchilikni buzganlik javobgarlikka sabab bo‘lishi belgilangan.
Bunda Ma’muriy javobgarlik to‘g‘risidagi kodeksining 43-moddasiga asosan jismoniy va yuridik shaxslarning murojaatlarini ko‘rib chiqish muddatlarini uzrli sabablarsiz buzish, yozma yoxud elektron shaklda javob yubormaslik:
mansabdor shaxslarga bazaviy hisoblash miqdorining bir baravaridan uch baravarigacha miqdorda jarima solishga sabab bo‘ladi.
☝️Mana shu qoidaga ko‘ra sizdagi vaziyatda ham murojaat qilingan organning shu murojaat bilan ishlashga mas’ul mansabdor shaxsiga yuqoridagi javobgarlik chorasi qo‘llanilishi mumkin.
✅ Buning uchun siz yuqorida aytilgan organlardan biriga murojaat qilishingiz lozim.