Kuyovim boshqasiga uylanvoldi, qizim ajrashsa bo‘ladimi?
@Yurist_Xizmati 4460-savol:
Assalomu alaykum! qizim 2023 yil turmushga chiqdi lekin 2024 yil 21 fevralda qaynonasi ketirib kuyib ketdi chunki o‘g‘lini qilgan zug‘imi urib xo‘rlaganligi va ket deb kuchaga sudrab tashaganligi uchun qaynonasi uyizga turing deb yolg‘ondan kuyib ketdi bunga sabab o‘rtada boshqa ayol bo‘lgan maqsadi uni olib kelib yashash bo‘lgan kuyovim qonunan qizim bilan yashasada boshqasini olib kelgan qizim u xonadonda juda aziyat chekkan shunga qaramay chidab xaydamang deb yolvorgan lekin afsuski xech kim inobatga omagan qizim o‘z kuzlari bilan 2 chi ayolini kurgandan keyin majbur bo‘ldim ajratishga lekin ajrimni eri bersin deb talab qidim lekin natija bulmadi iltimos maslaxat bering
YURIST JAVOBI:
Ajrimga kim ariza berishini ahamiyati yo‘q, chunki sud arizani kim berganiga emas, oilani asrab qolish mumkin yoki yo‘qligini tekshiradi.
Ajrashish jarayoni juda qiyin hisoblanadi. Oila kodeksi 37-moddasi ikkinchi qismiga muvofiq nikoh er-xotindan biri yoki har ikkalasining arizasiga muvofiq nikohdan ajratish yo‘li bilan, shuningdek sud tomonidan muomalaga layoqatsiz deb topilgan er yoki xotinning vasiysi bergan arizaga muvofiq tugatilishi mumkin.
Endi qarang! Oila kodeksi 40-moddasi hamda Oliy sudi Plenumining 2011 yil 20 iyuldagi 06-sonli «Sudlar tomonidan nikohdan ajratishga oid ishlar bo‘yicha qonunchilikni qo‘llash amaliyoti to‘g‘risida»gi qaroriga muvofiq er-xotinga yarashish uchun olti oygacha muhlat tayinlashga haqli.
Bunda shuni e’tiborga olish lozimki, Oila kodeksining 218-moddasi talablarini inobatga olgan holda yarashish uchun beriladigan muhlat uch oydan kam bo‘lishi samarasiz hisoblanadi.
Shunga ko‘ra sizlardagi vaziyatda qizingiz va kuyovingizga yarashish uchun 3 oydan 6 oygacha muhmat berishi mumkin. Bu muddat tugagandan so‘ng sud ishni ko‘rib chiqishi lozim. Bunda ishni mazmunan ko‘rib hal qilishi, ya’ni nikohni bekor qilishi yoki arizani rad qilishi mumkin. Oila kodeksi 41-moddasi hamda Oliy sudi Plenumining 2011 yil 20 iyuldagi 06-sonli qarorining 16-bandlariga tayangan holda nikohdan ajratish to‘g‘risidagi talab, faqat, er-xotin bundan buyon birga hayot kechirishlarining va oila batamom buzilganligi sababli uni saqlab qolishning iloji yo‘qligi aniqlangan holdagina qanoatlantirilishi lozim.
Shunday ekan, agar sud oilaning keyinchalik birga yashab ketish imkoni yo‘q deb topsagina, nikohni bekor qilishi mumkin.
Sizdagi holatda bir tomon qarshi bo‘lgan taqdirda ham sud nikohni saqlab qolish uchun imkon yo‘q deb topsa, nikoh bekor bo‘ladi. Yoki har ikki tomon nikohdan ajratishni xohlagan taqdirda ham sud oilani saqlab qolish uchun imkon bor deb topsa, da’voni rad qiladi.
♂️ Shuni ham aytish kerakki, bu vaziyatda qizingiz va kuyovingizning yangi xotini 1 uyda yashasa, kuyovingizga javobgarlik bor.
Jinoyat kodeksi 126-moddasiga ko‘ra ko‘p xotinli bo‘lish, ya’ni umumiy ro‘zg‘or asosida ikki yoki undan ortiq xotin bilan er-xotin bo‘lib yashash — bazaviy hisoblash miqdorining 50 baravaridan 100 baravarigacha miqdorda jarima yoki 3 yilgacha axloq tuzatish ishlari yoki bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.
❗️Shunga ko‘ra agar kuyovingiz bir uyda ikki xotin bilan yashasagina unga yuqoridagi modda bilan jinoiy ish ochilishi mumkin.