Islomda bolalarni urish mumkinmi???
7 yoshdan kichik bolalar! Ularni urish mumkin emas. Chunki bu yoshdagi bolalar nima to‘g‘ri, nima noto‘g‘ri ekanini farqlamaydigan yoshda bo‘ladilar. Ularni urish ruhiyatlariga yomon ta’sir ko‘rsatadi. 7 yoshgacha bo‘lgan bolalarni biror ishi uchun jazolasangiz ham, yana takrorlayveradilar.
Endi 7 yoshdan katta va balog‘atga yetmagan bolalarga kelsak, ularni jazolash mumkin. Faqat 2 shartga ko‘ra:
Yumshoqlik bilan hal qilish yo‘llarini qo‘llagach, urish ularni to‘g‘rilashning oxirgi chorasi bo‘lishi kerak.
Urish qattiq emas, yumshoq bo‘lishi lozim. Bundan maqsad boladan qasd olish va azoblash emas, tarbiyalash va xatolarni tuzatish bo‘lsin. Shu bilan birga, hadisda kelganidek, bolaning yuziga va terisi ta’sirchan joyiga urmaslik kerak.
Bunga asos Payg‘ambar sollallohu alayhi vasallamning so‘zlaridir: “Bolalar 10 yoshga to‘lib ham, namozga egilmasalar, ularni uring”. Yana Alloh bilguvchidir