Mavsumiy xodimlar o‘z tashabbusi bilan ishdan bo‘shashi uchun qancha oldin ariza yozishi kerak?
Ko‘plab tashkilotlarda mavsumiy xodimlar faoliyat yuritadi. Ayniqsa, kuz-qish mavsumida ta’lim, tibbiyot va boshqa turli tashkilotlar ishxonani isitish ishlari uchun mavsumiy xodimlarni jalb qiladi.
O‘rtoqlar, mavsumiy xodimlar bilan mavsum tugaguniga qadar muddatli mehnat shartnomasi tuziladi, bu aniq.
Yana bir narsani tushunish kerak. Mavsumiy xodimlar o‘z tashabbuslari bilan mehnat shartnomasini bekor qilish uchun boshqa xodimlarga o‘xshab 14 kalendar kun emas, 3 kalendar kun oldin ariza yozadi. Ya’ni, ishdan bo‘shashdan oldingi ogohlantirishni nazarda tutyapman.
MK 160-moddaning birinchi qismi va 494-moddaning birinchi qismiga ko‘ra:
➖mavsumiy xodim ish beruvchini 3 kalendar kun oldin yozma shaklda ogohlantirib, mehnat shartnomasini o‘z tashabbusiga ko‘ra bekor qilishga haqli.