Organizmdagi gormonal o‘zgarishlar tufayli paydo bo‘lgan kistalar, asosan, dori vositalari yordamida davolanadi.
Bunda o‘sma so‘rilib ketadi. Agar kista kuchli yallig‘lanishdan so‘ng yuzaga kelganligini aniqlansa, jarrohlik amaliyoti o‘tkaziladi.
• Endometriodlik kista esa sekin-asta rivojlangani bois yaqqol belgilar sezilmasligi mumkin. Hayzning og‘riqli o‘tishi va odatdagidan uzoq davom etishi kistaning ilk alomatlari bo‘lish ehtimoli bor. Bu holatda, asosan, gormonal preparatlar buyuriladi.
• Folikulyar kista ayollarga qaraganda, balog‘at yoshidagi qizlarda kuzatilib, gormonlar ajralishining buzilishi oqibatida yuz beradi. Vaqtida aniqlansa, dori vositalari yordamida davolash mumkin.
Tuxumdon kistasi gormonal o‘zgarishlar natijasida kelib chiqqanligi bois tezkor davo qilinmaydi, odatda nazorat qilinadi. 10 sm. dan katta bo‘lgan holda va 3 oy davomida o‘z o‘zidan so‘rilmasa xirurgik davolanadi.
Kista asorat berganda (kistaning yorilishi, kistaning o‘ralib qolishi, yondosh a’zolarni bosishi) zudlik bilan operativ davo o‘tkaziladi.
Jarrohlik amaliyotidan qo‘rqmang!
Bugungi kunda ultratovushli skalpel, lazer muolajasi, laporaskopiya kabi jarrohlikning zamonaviy usullari qo‘llanilayotgan bo‘lib, bemor odatdagidan tezroq sog‘ayishi uchun imkoniyatlar mavjud.