Ijtimoiy tarmoqlar hayotimizning ajralmas qismi bo'lib ulgurdi. Endi dunyoning narigi burchagidagi yaqinlarimiz bilan bemalol muloqot qila olamiz, foydali ma'lumotlarga ega bo'lamiz. Lekin shunday xatoga yo'l qo'yamizki, oqibatda eng qadrli narsa-farzandlarimiz xavfsizligi orqali tovon to'laymiz. Ko'pgina ota-onalar ijtimoiy tarmoqlarga farzandlarining suratlarini yoki ular ishtirokidagi videolavhalarni joylaydilar. Bu juda ta'sirli, ayniqsa farzandlar chiroyli ko'rinsa yoki qandaydir qiziqarli narsalar qilishsa. Lekin tanishlar va yaqinlaringizdan tashqari bu rasmlarni g'alamis kimsalar ham ko'rishlari mumkin...
Bu muammo g'arbda juda avj olgan!
Maqola Rossiya va g'arb OAVlaridagi maqolalardan tarjima qilindi. Ammo bu degani siz va biz O'zbekistonda bo'la turib bu havfdan himoyalangamiz degani emas. Chunki internet har birimiz hayotimizga chuqur kirib borishga ulgurdi. Shunday ekan bolalardan va o'zingizdan ehtiyot bo'ling!
Xavfdan qanday qochish mumkin?
1. Farzandlaringizni rasmlarini ijtimoiy tarmoqlarga joylamaslikka harakat qiling yoki ularning miqdorini kamaytiring. Bu ayniqsa, farzandlar kiyimsiz ya'ni cho'milayotgan holda tushgan suratlarga taalluqli.
2. Begona insonlarni shaxsiy sahifangizga kirishiga, ayniqsa rasmlarni ko'rishiga yo'l qo'ymang. Rasmlar bilan faqat yaqinlaringiz bilan shaxsiy xabarlarda bo'lishing.
3. Agar farzandingizni suratlarini joylashdan voz kecha olmasangiz, hech bo'lmasa bu ishlarni aql bilan bajaring. Suratga farzandingizni to'liq ismini yozmang, qaysi bog'cha yoki maktabligini oshkor etmang, ko'p vaqt qayerda bo'lishini yozmang. Farzandingizni real hayotdagi joylashgan yerini oshkor qilishdan ehtiyot bo'ling.
4. Suratga xavfsizlik belgisini qo'yib qo'ying. Ularni har qanday rasm tahrirlovchi dastur yordamida qilish mumkin.
5. Oila a'zolari va do'stlaringizdan ushbu qoidalarga rioya etishlarini va farzandingizni rasmlarini sizning ruxsatingizsiz ijtimoiy tarmoqlarga joylamasliklarini iltimos qiling. 6. So'nggisi: farzandingizni kelajakda uni uyaltirib qo'yadigan suratini joylamang. Bugun ushbu suratlar yoqimli ko'rinishi mumkin, lekin ertaga farzandingizni ranjishi uchun sabab bo'lishi hech gap emas!