Yodgora ismiga sher
Oshiq dardin anglab bo'lmas ko'z bilan,
Tuyg'ularni aytmoq mushkul so'z bilan,
Hayotimga kelgin yorug' yuz bilan ,
Yuragimda sen yashaysan Yodgoram.
Jamolingda turfa yog'du oy misol ,
Qabog'inga monand qoshing yoy misol,
Qachon bizga nasib etar ayt, visol ,
Yuragimda sen yashaysan Yodgoram.
Sochingdagi o'rimlarga bog'landim ,
Izlaringdan yurmoqlikka chog'landim ,
Ilk bor ko'rib qalb torini cholgandim ,
Yuragimda sen yashaysan Yodgoram.
Sen quvonchim, shirin dardim, ozorim,
Qalbim nuri, guldan go'zal bahorim ,
Men Majnunga Laylilardan yodgorim ,
Yuragimda sen yashaysan Yodgoram.