Qanday qilib Windows operatsion tizimi ishlashini tezlashtirish mumkin

Question

Windows operatsion tizimi ishlashini tezlashtirish uchun, yuzaga kelgan muammoni yechish kerak bo‘ladi. Dastlab, muammo nimada ekanligini bilib olish lozim,muammolar ro‘yxatini boshqa maqolada keltirib o‘tdim, bu maqolada shu muammolarni yechishga harakat qilib ko‘raman. Demak, operatsion tizim ishlashini tezlashtirish uchun, quyidagilarni bajarish lozim.

1. Kompyuter elementlari elektr toki yordamida ishlaydi, bu elementlarning harorati haddan tashqari oshib ketishiga yo‘l qo‘ymaslik kerak. Bu elementlarga protsessor, vinchester, mostlar kiradi. Kompyuter ichini ochib, kullerlarni ishlashini va radiatorlarni joylashuviga ahamiyat bering. Haroratni bilish muhim hisoblanganligi uchun,  haroratni biladigan maxsus utilitalar ishlab chiqilgan: Everest, HWMonitor. Mening o‘ylashimcha protsessor harorati maksimum 50 gradusdan oshmasligi lozim. Haroratning oshishi, elementlarning noto‘g‘ri ishlashiga olib keladi.

2. Har xil dasturlarning o‘rnatilishi natijasida reyestrda fayllar ko‘payib boradi, bu dasturlarning o‘chirilishi reyestrni tozalamaydi. Reyestrni tozalash uchun maxsus utilitalar mavjud: TuneUp, Ccleaner, EasyClenaer. Shu utilitalar orqali reyestrni tozalang.

3. Kompyuterga ulangan operativ xotiraning yetishmasligi, bu bir necha dasturlarning bir vaqtda ishlashi natijasida yuzaga keladi. Shuning uchun, mavjud operativ xotirani hisobga olgan holda dastur va o‘yinlarni o‘rnating. Operativ xotiraning qancha qismi ishlayotganini CTRL+SHIFT+ESC orqali «Диспетчер Задач Windows» oynasini chaqirgan holda, «Быстродействие«vkladkasidan ko‘rishingiz mumkin(maksimum85% bo‘lsin).

4. Fayl podkachki, bu Linux tizimidagi SWAP tushunchasidir. Agar operativ xotira to‘lib qolsa, tizim «файл подкачки«ga ajratilgan joyni operativ xotira sifatida ishlatadi, bu ishlash tezligini sekinlashtiradi. Agar bu ham to‘lib qolsa, kompyuter qotib qolishi yoki xatolik haqida ma’lumot berishi mumkin. Fayl podkachki uchun ajratilgan joyni quyidagicha ko‘rish mumkin(Windows 7).

Mой компьютер -> свойство -> Дополнительные параметры системы -> вкладка дополнительно

Параметры быстродействия -> дополнительнo

Bu qiymatni oshirish mumkin.

5. Ko‘p dasturlar kompyuterga o‘rnatilgandan so‘ng, avtomat ishga tushish uchun «автозагрузка» bo‘limiga ham yozib qo‘yiladi. Kompyuter yuklanganda, bu dastur ham tizim bilan birga yuklanadi. Bu operatsion tizim ishlashini va yuklanishini sekinlashtiradi. Dasturlarni bu bo‘limdan olib tashlash lozim. Uning uchun

Пуск -> Выполнить -> msconfig -> автозагрузкa

kerak bo‘lmagan dasturlardan belgilashni(ptichkani) olib tashlang va OK.

6. Odatda operatsion tizim «C» diskka o‘rnatiladi, bu diskning 15-20% joy bo‘sh turish lozim, aks holda kompyuter sekin astalik bilan ishlash tezligini kamaytiradi. Ko‘pchilik bu diskni to‘latib qo‘yadi, bu disk ichiga quyidagi joylar ham kiradi:

— ish stoli(рабочий стол);

— mening hujjatlarim(докумены);

— internetda ko‘chiriladigan fayllarning odatiy joyi;

7. Kompyuter antivirus dasturlaridan biri bilan ta’minlangan bo‘lishi lozim, aks holda kompyuterga virus tushib, ishlashini sekinlashtirishi yoki umuman ishlattirmasligi mumkin. Yana bir narsa, antivirus dasturlaridan faqat bittasini ishlating, bir necha antivirus dasturlaridan bir  paytning o‘zida foydalanish, kompyuter ishlashini juda sekinlashtiradi(o‘zim guvoh bo‘lganman).

8. Kompyuter vinchesteriga juda ko‘p fayllarni yozish, o‘chirish ham kompyuter ishlashini sekinlashtiradi, chunki vinchester sektorlarigi yozilgan va u yerdan o‘chirilgan fayllar sektordagi tartibni o‘zgartirib yuboradi, bu vinchesterni ishlashini sekinlashtiradi, natijada kompyuter ham sekin ishlaydi. Bu holda, defragmentatsiya qilish zarur, bu orqali vinchester sektorlariga yozilgan fayllar tartiblanadi. Uning uchun(Windows 7 da):

Пуск -> Все программы -> Стандартные -> Служебные -> Дефрагментация дискa

 Dastlab disklar analiz, so‘ng defragmentatsiya qilinadi. Bu ancha vaqt oladi.

9. Tizim bloki ichini tozalab turish zarur, chang, har xil kichik jismlar va boshqa ko‘zga ko‘rinar va ko‘rinmas moddalar natijasida, kompyuter elementlari to‘g‘ri ishlamasligi yoki umuman ishlamasligi mumkin. Tozalashda, albatta kompyuterni o‘chiring.

 

Comments

Maqola yomon demaymanu, lekin 1-2 ta biroz noto'gri fikrlar ham bor.

---

Togri Askarali ba'zi fikirlar sal notogridek lekin maqola yuqori sifatda aynan qaysi fikirlarni aytyapsiz.

---

Oka maqolez yaxwi tuwunarli huddi siznikiga oxwagan maqolalarni kop oqiganman lekin u yerda faqat virusdan,programmalar kop va harddan boladi deb toliq ma'lumot beriwmagan. Yoki ularni ozi ham bilmaydi. Siz ancha yaxwi va toliq tuwintra olgansiz. Faqat
Параметры быстродействия -> дополнительнo


Degan joyini owiriw mumkin degansizda qanday owiriliwin tuwuntirmagansiz. Wuni qayta korib chiqiwingizni maslahat bergan bolardim.

---

Masalan:

"2. Har xil dasturlarning o‘rnatilishi natijasida reyestrda fayllar ko‘payib boradi, bu dasturlarning o‘chirilishi reyestrni tozalamaydi."

Bu unchali to'g'ri emas. Reyestr bu ma'lumotlar bazasi. Dastur u yerga alohida fayllar bilan ishlamaydi. Dastur o'chirilganda reyestrda ma'lumotlar qolib ketishi mumkin agar dasturni o'zi (ya'ni dasturchilar) ataylab qoldirib ketsa yoki dastur o'chirilish vaqtida xatolik yuz bersa. Boshqa hollarda tozalanadi.

"5. Ko‘p dasturlar kompyuterga o‘rnatilgandan so‘ng, avtomat ishga tushish uchun «автозагрузка» bo‘limiga ham yozib qo‘yiladi. Kompyuter yuklanganda, bu dastur ham tizim bilan birga yuklanadi. Bu operatsion tizim ishlashini va yuklanishini sekinlashtiradi. Dasturlarni bu bo‘limdan olib tashlash lozim."

«автозагрузка» bo‘limilagi dasturlar tizim bilan birga ishga tushmaydi. Tizim bilan yadro, drayverlar va servislar (служба) yuklanadi. «автозагрузка» bo‘limilagi dasturlar foydalanuvchi login/parol terib account ga kirgandan keyin ishga tushadi. «автозагрузка» dagi dastur juda katta xotira talab qilsagina, masalan 500MB 1GB, tizim sekin ishlashi mumkin. Lekin odatda bunday bo'lmaydi. Ular maxsus "agentlar" va ma'lum bir hodisani kutib turadi va qayta ishlaydi. Ularni o'chirib qo'yish yaxshi emas. Ularni o'chirib qo'yish bu dasturlar funksiyalarini o'chirib qo'yishdir.

"8. Kompyuter vinchesteriga juda ko‘p fayllarni yozish, o‘chirish ham kompyuter ishlashini sekinlashtiradi, chunki vinchester sektorlarigi yozilgan va u yerdan o‘chirilgan fayllar sektordagi tartibni o‘zgartirib yuboradi, bu vinchesterni ishlashini sekinlashtiradi, natijada kompyuter ham sekin ishlaydi."

Aslida bu "Файловая система" darajasida, "vinchester" darajasida emas, va klasterlar bilan ish ko'riladi, sektor emas. Lekin 'to'gri, defragmentatsiya qilib turish kerak.

---

akmx.uz saytidan oldizmi? manba qani?

---

Yo'q, hech qayerdan olganim yoq.