♀ Ona o'z bolasini kasal qiladimi?
Bola kasal bo'lganida, asosan, chaqaloqni yengil, qalin kiyintirilishi, ko'p cho'miltirishi, toza havoga ko'p olib chiqilganini sabab qilib katta ayblov onaga qo'yiladi. Oilaning boshqa a'zolari vaziyatga yechim emas sabab bilan "kurashadi"lar. Aslida esa, kasallik yuzaga kelishi uchun etiologik omil, ya'ni kasallikning qo’zg’atuvchisi bo’lishi kerak. Bu virus/zamburug’/allergenlar bo’lishi mumkin. Bunday mayda zarralarni bola organizmiga kirishini ko’rish yoki ushlab qolishga inson qodir emas. Xatto virusolog, epidemiolog, infeksionistlar ham kasallikni organizmga kirib bormasligini to’xtata olmaydi. Shunday ekan onani ayblash emas, unga hissiy ko'mak zarur.
‼️Tashqaridan bola kasal bo’lganda onani ayblash, ham onaga ham bolaga salbiy ta’sir ko’rsatib, kasallikni og’ir kechuviga olib keladi.
Eng to’g’ri yo’l profilaktikani tushunish,unga amal qilish: tozalikka rioya qilish, kasal bilan kontakt qilmaslik, to’g’ri ovqatlanish va jismoniy faol bo’lishdir.