Шухрат саломга

Question

Салом  гирип булганда нима килиш керак

Answer 1

1. Dam olish
Gripp bo'lganda odam birinchi navbatda hamma ishni surib qo'yib dam olishi, yotishi kerak. Shunda organizm butun kuchini tuzalishga sarflaydi.
2. Vitamin C
Shu vitaminga boy mahsulotlardan kuni bilan iste'mol qilib yuring. Limon va malinali choy, klyukva (cranberry) sharbati, namatak damlamasi. Kuniga kamida 3 litr Vitamin C ga boy sharbatdan ichsangiz maqsadga muvofiq bo'ladi.
3. Behi
Agar shamollashingiz yo'tal bilan kechayotgan bo'lsa, u holda bir dona katta behini olib 2 ga bolasiz. Har bir qismining o'rtasidagi danaklarini tozalab chuqurcha qilasiz. Chuqurchaga asal quyib duxovkada past olovda 1 soat davomida dimlaysiz. Behi juda yumshab rangi to'q bo'lib qoladi. Issiqligida iste'mol qilsangiz yo'talingiz tez o'tadi.
4. Namokob suv
Burun oqishi chiroyli makiyajga umuman yarashmaydi. Shuning uchun kuniga kamida 5 marta burningizni namokob suv (fiz.rastvor) bilan chaying. Buning uchun katta 20-40 mllik shpritsga namokob suvni to'ldirib, boshingizni bir tomonga engashtirib burunning bir teshigiga quyasiz. Shunday bo'lsinki namokob suv burunning bir teshigidan kirib, ikkinchi teshigidan chiqsin. Keyin boshqa burunga shunday tarzda quyasiz. Og'iz ochiq turishi kerak. Namokob suv o'zi bilan burundagi suyuqlikni ham olib chiqib ketadi.

Answer 2

5. Yalpiz
Burun bitib qolgan bo'lsa, u holda yalpiz, evkaliptga boy so'rgich konfetlarni so'rib yuring.
6. Issiqlik
Oyoqlaringizni kuniga kamida 3 marta issiq vannada ushlab o'tiring. Suv issiqligi par chiqib turib, teri kuymaydigan darajada issiq bo'lishi kerak. O'tirganingizda suv sovigan sari issiq suvdan oz-oz qo'shib turing. Terlaguncha o'tirish lozim. Imkoniyat bo'lsa, nafaqat oyoqlar, balki butun badanni parli vannada ushlab tursangiz yaxshi natija beradi. (Eslatma: homiladorlarga va ayrim bemorlar uchun ushbu muolaja man etiladi).
7. Meva va sabzavotlar
Meva va sabzavotdagi vitaminlar soni sanoqsizdir. Kasal bo'lgan paytingizda ulardan ko'proq iste'mol qilganingiz ma'qul. Yog'liq ovqat, xamir va shirinliklar davolanishga oz bo'lsa ham to'sqinlik qiladi.
8. Sho'rva
Tovuqning suyakli go'shtidan tayyorlangan sho'rvani achchiq muruch bilan yeb, issiq adyol ichiga kirib olib dam olsangiz badaningiz ancha tetiklashganini sezasiz.
9. Dumba yog'
Hidi yoqimsiz bo'lgani bilan o'zining foydasi katta. Eritilgan dumba yo'gni qo'lingiz uchiga olib tavoningizga ishqalab surting. Massaj qilsangiz ham bo'ladi. Issiq junpaypoq kiyib dam olib o'tiring. Ancha terlatib, badandagi shamollash alomatlarini yo'qqa chiqaradi. (Eslatma: yurak-qon kasalliklari mavjud bo'lsa, bu muolaja og'irlik qilishi mumkin).10. Yaxshi kayfiyat
Deyarli barcha kasalliklarning asosi insonning psixologik holatidir. Inson qanchalik o'zini psixologik yaxshi his qilsa, uning jismoniy salomatligi shunchalik yaxshi bo'ladi. Demak, shamollaganda faqat yaxshilikni o'ylab, xush kayfiyatda bo'lish lozim. Atrofdagilar esa shamollagan kishiga nisbatan yaxshi muomalada, erkalagan holda, e'tiborni ayamasdan murojaat etishlari kerak. Davolanish uchun bu juda muhim.

Manba:uzbaby.uz

Comments

Grippni xalq tabobati yordamida davolaymiz
Yaqindagina “Gripp” to‘g‘risida suhbatlashgan edik. Gripp haqida batafsil o‘qish.  Va shu maqola so‘ngida “Gripp va uning asoratlarini xalq tabobati usulida davolash” haqida ham ma’lumot berishimizni aytib o‘tgan edik. Bugun shu vadani bajargan holda xalq tabobati orqali gripp va uning asosiy asoratlarini davolash to‘g‘risida suhbatlashamiz!
Hozirgi berayotgan ma’lumotlarimiz ilmiy-ommabop kitoblardan ( Avitsenna asarlari asosidagi ) olingan.
Piyozdan gripp uchun sirop tayyorlash mumkin. U gripp hamda uning asoratlarni davolashda ancha samarali. Buning uchun 1 bosh piyoz archiladi, maydalab to‘g‘raladi, qo‘l orqali ezib maydalanadi va unga  150 gr shakar sepiladi. So‘ngra bir necha soat o‘tgach siqib suyuqligi olinadi. Bu olingan suyuqlik, sirop har soatda 1 choy qoshiqdan iste’mol qilinadi.
Bundan tashqari,
*.Sarimsoq piyozni ezib 2-3 daqiqa davomida uni hidlash ham samarali natija beradi.
*.Bug‘li ingalyatsiyalar; moychechak, soda eritmasi ustida 2-5 daqiqa davomida boshni o‘rab taralayotgan bug‘dan nafas olish tavsiya etiladi.
*.Yarim kilogram piyoz, yarim payola toza asal, 4 piyola shakarni aralashtirib 3 soat past olovda qaynatiladi. Va sovutib sirli idishga solinadi. Kuniga 4-5 mahal 1 choy qoshiqdan iste’mol qilinsa, gripp, shamollash, yo‘tal hamda gripp asoratlariga ancha foydali.
*.Agar gripp natijasida bosh, burun, quloqda og‘riq paydo bo‘lsa, turp shirasidan har bir burunga 7-10 tomchi tomiziladi yoki paxtaga turp shirasini shimdirib, burunga tiqib qo‘yish mumkin.
*.1 bosh sarimsoqni ezib maydalab, 100 gramm saryog‘ yoki mol yog‘i bilan aralashtiriladi. Hamda har kuni kechasi oyoq tagiga surtiladi.
*.Chilonjiydaning damlamasi gripp natijasida kelib chiqadigan nafas yo‘llarining turli yallig‘lanish kasalliklarida (rinit, laringit, bronxit) foydali. Bu damlamani tayyorlash uchun 20 gramm meva yarim choynak qaynagan suvda 1 soat damlab qo‘yiladi.Suzib, damlamadan kuniga 3 mahal ovqatlanishdan oldin

---

ichiladi.
Agar, bu mavsum gripp bo‘lishga ulgurmagan bo‘lsangiz (albatta hazil) sizga ham alohida tavsiyamiz bor!
Bilasizki, barcha mavsumiy kasalliklar, asosan, organizmning immuniteti sustlashganda yuzaga keladi. Suning uchun doimiy ravishda na’matak damlamasidan iste’mol qilib yurishingiz sizni gripp va shu kabi kasalliklardan “emlaydi”.
Salomat bo‘ling!!!

Manba:avitsenna.uz