O‘zbek maktabda o‘qigan o‘quvchini rus maktabga qabul qilmaslik to‘g‘rimi?
@Yurist_Xizmati 4649-savol:
Assalomalekum. Qanday asoslarga ko‘ra 1- sinfdan 8-sinfga qadar o‘zbek maktabda o‘qiigan o‘quvchini , rus maktabga qabul qilmaslik mumkin. Qabul qilmasa to‘g‘ri bo‘ladimi. Qabul qilmaslik uchun Asoslari bo‘lsa yaxshi bo‘lar edi
YURIST JAVOBI:
❗️Farzandning qaysi maktabda o‘qishini ota-ona mustaqil hal qiladi.
Avvalo, Ta’lim to‘g‘risidagi qonun 9-moddasida bolalarning o‘zlari yashaydigan hududdagi maktabga borishi haqida qoida belgilanmagan.
Shuningdek, Vazirlar Mahkamasining 2017-yil 15-martdagi 140-son qaroriga 1-ilovada tasdiqlangan Umumiy o‘rta ta’lim to‘g‘risidagi Nizom 39-bandiga muvofiq maktab yoshidagi bolalarni umumiy o‘rta ta’limga qamrab olish tuman (shahar) hokimliklarining qarori bilan umumta’lim muassasalariga biriktirilgan hududlar (mikrohudud) doirasida umumta’lim muassasasi tomonidan ro‘yxatga olish orqali amalga oshiriladi.
☝️Mana shu qoidadan kelib chiqib, sizdagi holatda farzandingizni o‘z hududingizdagi maktabga berishingiz haqida aytishgan bo‘lishi mumkin. Lekin ushbu nizomda majburiy qoida sifatida aynan shu mikrohududdagi maktabga borish haqida emas, balki maktablarga o‘qishga qabul qilish majburiyligi aytilmoqda.
❗️Nizomning 49-bandiga asosan ota-onalar farzandlarini o‘quv yili davomida yoki u tugaganidan keyin bir sinfdan boshqa sinfga yoki bir umumta’lim muassasasidan boshqasiga o‘tkazish huquqiga ega.
Ikkinchidan, Xalq ta’limi vazirining 2015 yil 2 iyundagi 13-mh-son buyrug‘iga ilova bilan tasdiqlangan “O‘quvchilarni sinfdan sinfga va bir umumiy o‘rta ta’lim muassasasidan boshqasiga o‘tkazish tartibi to‘g‘risida”gi nizom (ro‘yxat raqami № 2684) 11-bandida Ota-onalar o‘z xohishiga ko‘ra o‘quv yili davomida yoki u tugaganidan so‘ng farzandini bir maktabdan boshqasiga o‘tkazish huquqiga egaligi belgilangan.
♂️ Sizlardagi vaziyatda ham yuqoridagi nizom talablariga rioya qilgan holda o‘quvchini maktabga qabul qilinadi. Bunda akademik litsey ketish taloni rasmiylashtiradi. Shundan so‘ng ota-ona maktabga ariza beradi va arizaga ushbu talonni ilova qiladi.
Nizom 15-bandiga asosan O‘qishni davom ettirish uchun tanlangan maktab direktori ariza va maktabdan ketish talonini qabul qilib olgach, shu kunning o‘zida ota-onalarga o‘quvchi ta’lim olayotgan maktabga taqdim etish uchun ushbu Nizomning 2-ilovasiga muvofiq shaklda maktabga kelish talonini beradi.
☝️Mana shu qoida ham ota-onalarga farzandi qaysi maktabga borishini erkin belgilashi mumkinligini isboti sanaladi.
Endi qarang! O‘zbekiston Respublikasining “Davlat tili haqida”gi Qonuni 6-moddasida O‘zbekiston Respublikasida yashovchi shaxslarga ta’lim olish tilini erkin tanlash huquqi berilishi qayd etilgan. Shunday ekan bu holatda rad javobini berish mumkin emas.