YANA QOVUN HAQIDA
Qovun — taom o‘rnini bosadigan, to‘yimli, kam kaloriyali va o‘rta glikemik indeksga ega yegulik hisoblanadi.
Qovun tarkibida qimmatli modda (kuchli antioksidant) — beta-karotin miqdori juda ko‘p. Beta-karotin — sariq meva va sabzavotlarda uchraydigan, ularga shu rangni beradigan o‘simlik pigmentidir. Apelsin va sabzi to‘q sariq rangda bo‘lishiga qaramay qovun tarkibidagi beta-karotin ularnikidan ko‘proq ekan.
100 g qovun: 36 kkal
Oqsil — 0,5 g
Yog‘ — 0,1 g
Uglevodlar — 9 g
- Natriy — 26 mg
- Vitamin A — kunlik ehtiyojning 108%
- Tolalar — 1 g — kunlik ehtiyojning 2-3%
- Kalsiy — kunlik ehtiyojning 1%
- Temir — kunlik ehtiyojning 2% bulardan tashqari tarkibida kaliy, magniy, foliy kislotasi, fosfor, kremniy, erkin organik kislotalar saqlaydi.
Qovun tarkibida ko‘p miqdorda folat (B9 vitamini) mavjud. Bu homiladorlik paytida ayol organizmi uchun zarur. Bundan tashqari u xotirani yaxshilaydi va depressiyadan himoya qiladi. Tarkibida kremniy borligi tufayli soch va teri holatini yaxshilaydi. Beta-karotin tufayli chiroyli va silliq teriga ega bo‘lasiz.
Qovun tarkibida qimmatbaho element — oltin mavjud! Bu boshqa elementlar bilan bir qatorda organizmga juda zarur.