Mentor-o‘qituvchilar qanday tanlab olinadi?
@Yurist_Xizmati 4917-savol:
Assalomu alaykum mentor- ukituvchilar kim tomonidan kachon, kanday xolatda takdim etiladi. Shaxar MMTB mutaxassisi uzi tanlab shaxar, viloyatda yukori natijalarga erishmagan ukituvchining ismini va sharifini viloyat MMTB ga yuborishga xaklimi?
YURIST JAVOBI:
O‘zbekiston Respublikasi Prezidentining 21.06.2024 yildagi PQ-231-son qarori 2025-yil 1-yanvardan boshlab pedagog va mutaxassis kadrlar kasbiy rivojlanishining uzluksizligini ta’minlash maqsadida barcha umumiy o‘rta ta’lim muassasalarida:
malaka oshirishning “Kasbiy rivojlanish soati”;
tayanch umumiy o‘rta ta’lim muassasalarida esa, “Kasbiy rivojlanish kuni” kabi shakllari bosqichma-bosqich joriy etiladi.
Bunda:
“Kasbiy rivojlanish soati” va “Kasbiy rivojlanish kuni” tadbirlarini tashkil etish uchun har bir tuman (shahar)da yuqori malakali o‘qituvchilar orasidan fanlar kesimida mentor-o‘qituvchilar tarkibi shakllantiriladi.
Bunda Maktabgacha va maktab ta’limi vazirining 2024 yil 7 avgustdagi 246-son buyrug‘iga 2-ilovada tasdiqlangan Umumiy o‘rta ta’lim muassasalari o‘qituvchilari uchun “Kasbiy rivojlanish kuni” va “Kasbiy rivojlanish soati” tadbirlarini tashkil etish tartibi 10-bandiga ko‘ra Hududiy ishchi guruhlarning vazifalari quyidagilardan iborat:
➖ fanlar kesimida tayanch maktablar va ularga biriktiriladigan maktablar ro‘yxatini shakllantiradi;
➖ tuman (shahar) ishchi guruhlari tomonidan taqdim etilgan mentor-o‘qituvchilar tarkibini tasdiqlaydi;
➖ mentor-o‘qituvchilarni tayyorlash uchun qisqa muddatli o‘quvlarni tashkil qiladi;
Tuman (shahar) ishchi guruhlari tomonidan o‘quv yilining boshlanishiga qadar:
➖Maktablarda fanlar (yoki fanlar bloki) kesimida “Kasbiy rivojlanish soati” tadbirlarini tashkil etishga mas’ul bo‘lgan yetakchi o‘qituvchilar ro‘yxati shakllantiriladi.
➖ fanlar (yoki fan bloklari) kesimida har biri 25-30 nafar yetakchi o‘qituvchilardan (imkoniyatdan kelib chiqqan holda tegishli fandan dars beruvchi barcha o‘qituvchilardan) iborat ishtirokchilar guruhlari shakllantiriladi va tasdiqlanadi;
➖ malakali o‘qituvchilar orasidan tanlab olish asosida har bir guruh uchun 1 nafardan mentor-o‘qituvchilar tarkibi shakllantiriladi va tasdiqlash uchun hududiy ishchi guruhga taqdim etiladi.
❗️Mentor-o‘qituvchini tanlashda uning kasbiy mahorati, faolligi va liderlik xususiyatlari hisobga olinadi.
✅ Shunga ko‘ra mentor-o‘qituvchini tanlashda yuqoridagi harakatlar amalga oshiriladi.
telegram kanal - yurist xizmati