QONUNIY NIKOH DAVOMIDA OLINGAN UYNI BO‘LISH UCHUN ARIZA BЕRSAM SUD ARIZAMNI RAD QILDI..
⚡️SAVOL:
Men turmush o‘rtog‘im bilan bundan to‘rt yil avval ajralishganmiz. Birga yashab yurgan vaqtimizda, ya’ni turmush o‘rtog‘im bilan qonuniy nikohda bo‘lgan paytimizda yangi qurilgan honadonlardan 3 xonali kvartira sotib olgan edik. Men yaqinda qonuniy nikohimiz davomida sotib olingan o‘sha uydan haqqimni ajratib berishini so‘rab sudga ariza bergan edim. Sud arizamni rad etdi. Rad qilingan xujjatda aytilishicha muddatni o‘tkazib yuborgan emishman. Shunday holatda sud da’voyimni rad qilishi to‘g‘rimi ?
⚡️JAVOB:
Oila kodeksining 27-moddasiga ko‘ra,
➖ nikohdan ajralgan er va xotinning umumiy mol-mulkni bo‘lish to‘g‘risidagi talablariga nisbatan 3 yillik da’vo muddati qo‘llanilishi belgilangan. Siz qonuniy nikohingiz bekor bo‘lganidan boshlab 3 yil ichida qonuniy nikohingiz davomida olingan uydan ulushingizni talab qilib sudga murojaat qilmaganligingiz da’vo muddati o‘tib ketishiga sabab bo‘lgan.
✔️ Yuqoridagi asosga ko‘ra, da’vo muddati o‘tib bo‘lganidan keyin murojaat qilinganligi sababli sud tomonidan da’voning rad etilishi qonuniy hisoblanadi.