AYOL KISHI QOROVUL BO‘LIB ISHLAY OLADIMI?
Fuqarodan kelgan murojaat:
Assalomu alleykum maktabda direktoriman ,Yakinda kunduzgi 8 soatlik rejimida maktabga ayol kishi koravul ishchi oldim ,fakat kunduzgi kun ishlaydi.Tuman kuriklash xizmatidan xodim kelib ayol kishi karovul bulmaydi ishdan bushatasan deyapti shu tugrimi ,men kanday yul tutishim kerak.
JAVOB:
Bu asossiz talab! Ayol kishi ham qorovul bo‘lib ishlasa bo‘ladi, bunga cheklov yo‘q.
Xususan, O‘zbekiston Respublikasi Konstitutsiyasining 42-moddasiga asosan har kim munosib mehnat qilish huquqiga ega.
Konstitutsiyaning 58-moddasiga ko‘ra, xotin-qizlar va erkaklar teng huquqlidirlar.
O‘z navbatida, Mehnat kodeksining 4-moddasi (mehnat huquqlarining tengligi, mehnat va mashg‘ulotlar sohasida kamsitishni taqiqlash prinsipi)ga binoan har kim mehnat huquqlarini amalga oshirish va himoya qilishda teng imkoniyatlarga ega.
Mehnat va mashg‘ulotlar sohasida kamsitish taqiqlanadi.
❗️Jinsi, yoshi, irqi, millati, tili, ijtimoiy kelib chiqishi, qarindoshlarida sudlanganlikning mavjudligi, mulkiy holati va mansab mavqei, yashash joyi, dinga bo‘lgan munosabati, e’tiqodi, jamoat birlashmalariga mansubligi, shuningdek xodimlarning ishchanlik sifatlari va mehnati natijalari bilan bog‘liq bo‘lmagan boshqa jihatlariga qarab mehnat va mashg‘ulotlar sohasida biror-bir to‘g‘ridan to‘g‘ri yoki bilvosita cheklovlar belgilash, xuddi shuningdek biror-bir to‘g‘ridan to‘g‘ri yoki bilvosita imtiyozlar berish kamsitishdir.
Agar nomzod qorovullik talablariga javob bersa, bu ish o‘rnida bemalol ishlasa bo‘ladi. Uning ayol kishi ekanligi bu kasbda ishlashini cheklamaydi!
telegram kanal - yurist maslahati