Bog‘chalarni hech qanday hujjatlarsiz kelib tekshirishlari mumkinmi?
@Yurist_Xizmati 4735-savol:
Assolomu alaykum savolim shunday Meni xotinim Maktabgacha talim tashkilotida direktor bulib ishlaydi. Maktabgacha talim tashkiloti bulishidan ikki xodim kelib tekshruv utkazgan ozik ovkatni berilishi buyicha. Ular ikki kun kelib tekshiruv utkazgan. Ozik ovkatdan berilishidan xech narsadan muommo chikmagan deyarli.Ushbu xodimlar xech kanday buyruksiz tekshiruv utkazgan yoki bularni tekshiruv utkazish uchun xech kanday buyruk kerak emasmi? Savolim anik konuniy javob bersangiz xakki bormi yukmi?
YURIST JAVOBI:
Vazirlar Mahkamasining 2019-yil 25-apreldagi 352-son qaroriga
1-ilovada tasdiqlangan Maktabgacha ta’lim tashkilotlari faoliyatini tekshirish tartibi to‘g‘risidagi Nizom 7-bandiga ko‘ra Maktabgacha ta’lim tashkilotlarining faoliyatini tekshirish quyidagi shakllarda amalga oshiriladi:
➖ rejali tekshirish;
➖ rejadan tashqari tekshirish;
➖ nazorat tartibida tekshirish.
Bunda tekshirishga vakolatli organlar tomonidan maktabgacha ta’lim tashkilotlari faoliyatini rejali va rejadan tashqari tekshirishlar muddati 10 kundan oshmasligi kerak.
Endi qarang! nizomning 25-bandiga asosan tekshirishga vakolatli organning mas’ul xodimlari tekshirish boshlanishidan oldin maktabgacha ta’lim tashkiloti direktorini (direktor bo‘lmagan taqdirda uning vazifasini bajaruvchi shaxsni) tekshirish maqsadi bilan tanishtiradi, unga o‘z xizmat guvohnomasi va tekshirishni o‘tkazishga asos bo‘ladigan hujjatlarning (tekshirishlar reja-jadvalidan ko‘chirma, tekshirishga vakolatli organning tekshirish o‘tkazish to‘g‘risidagi buyrug‘i va tekshirish dasturi yoki savolnomasi) nusxalarini topshiradi.
Shuningdek, nizom 26-bandida tekshirish o‘tkazish uchun asos bo‘lgan hujjatlar nusxasi tekshirilayotgan maktabgacha ta’lim tashkilotiga tilxat olingan holda topshirilgan payt tekshirish boshlangan payt hisoblanishi belgilangan.
☝️Mana shu qoidaga ko‘ra tekshirishga kelganlar yuqoridagi hujjatlarni taqdim etishlari lozim.
Bundan tashqari tekshirishga vakolatli organning mas’ul xodimlari maktabgacha ta’lim tashkiloti tomonidan taqdim etilgan ushbu Nizomning 2-ilovasiga muvofiq shakldagi Tekshirishlarni ro‘yxatga olish daftarini to‘ldirishi shart (nizom 27-bandi).
Endi qarang! nizom 29-bandiga binoan tekshirishga vakolatli organning mas’ul xodimlari Tekshirishlarni ro‘yxatga olish daftarini to‘ldirishdan bosh tortgan taqdirda, maktabgacha ta’lim tashkilotida tekshirish o‘tkazilishiga yo‘l qo‘yilmaydi.
❗️Shunga ko‘ra sizdagi vaziyatda turmush o‘rtog‘ingiz tuman prokuraturasiga tekshiruvning noqonuniy o‘tkazilganligi haqida shikoyat qilishi lozim.
telegram kanal - yurist xizmati