Maktabda o‘quvchi shikastlansa o‘qituvchi aybdor bo‘ladimi?
@Yurist_Xizmati 4768-savol:
Assalom aleykum, men maktabda ingliz tili o‘qituvchisi bo‘lib ishlayman. Sinf xonam 4-qavatda joylashgan. Asosan 3-4- sinf o‘quvchilariga dars beraman. 6-soat darsim (4- sinf o‘quvchilariga) tugaganidan keyin o‘quvchilar xonasiga ketishdi, bitta o‘quvchim dars tugashi bilan xonasiga tushayotganida zinadan yiqilib tushdi va boshi shikastlandi. Lekin bu sog‘lig‘iga jiddiy shikast yetkazmadi.
Savolim shundaki, o‘qituvchi shu o‘quvchining yiqilganida aybi bormi? O‘qituvchi xar bir o‘tadigan sinfini o‘zining sinf xonasiga olib kirib, darsi tugaganidan so‘ng ularni yana sinf xonasiga kuzatishi shartmi?
YURIST JAVOBI:
Qiziq savol, agar o‘qituvchi qasddan o‘quvchini zinadan itarib, surib yubormagan bo‘lsa, unda o‘qituvchi bu holatda javobgar bo‘lmaydi.
Maktabgacha va maktab ta’limi vazirining 2023-yil 20 - dekabrdagi 565-sonli buyrug‘iga 37-ilovada tasdiqlangan Umumiy o‘rta ta’lim muassasalari (ayrim fanlar chuqur o‘rganiladigan ixtisoslashtirilgan muassasalar) xodimlarining lavozim majburiyatlari qatorida o‘qituvchining o‘quvchilarni bir sinfdan boshqa sinfga olib boorish, kuzatib qo‘yish majburiyati belgilanmagan.
♂️ Shu sababli, bu holatda o‘qituvchiga javobgarlikni yuklash mumkin emas.
Endi qarang! Fuqarolik kodeksining 985-moddasiga ko‘ra g‘ayriqonuniy harakat (harakatsizlik) tufayli fuqaroning shaxsiga yoki mol-mulkiga yetkazilgan zarar, shuningdek yuridik shaxsga yetkazilgan zarar, shu jumladan boy berilgan foyda zararni yetkazgan shaxs tomonidan to‘liq hajmda qoplanishi lozim.
Mazkur normaga muvofiq zararni qoplashda haqiqatda zarar yetkazuvchining aybi borligi tekshiriladi.
✅ Shunday ekan o‘qituvchining aybi bo‘lmasa, u javobgar sanalmaydi.
telegram kanal - yurist xizmati