MIB HODIMLARI QARZNI UNDIRISHDA QANDAY HARAKATLARNI AMALGA OSHIRISHI LOZIM?
258-II-son Qonunning 86-moddasi hamda Ijro ishini yuritish va sud ijrochilari faoliyatini tashkil etish tartibi to‘g‘risidagi Nizom 10-bandiga murojaat qilamiz, ularda ijro ishida ijrochining harakatlari ko‘rsatilgan.
Birinchidan, u qarzdorga tegishli mol-mulkni, shu jumladan uning qimmatli qog‘ozlari va bankdagi hisobraqamidagi pul mablag‘lari haqida zarur axborotlarni so‘rab-surishtirishga vakolatlidir.
Ikkinchidan, qarzdorning bank hisobraqamlarini xatlashga haqli. Agar pul mablag‘lari yetarli bo‘lmasa, sud ijrochisi mol-mulkni xatlaydi, oqibatda ushbu mol-mulk da’voni qondirish uchun qonuniy tartibda realizatsiya qilinishi mumkin.
Uchinchidan, ijrochiga qarzdorning qayerdaligi ma’lum bo‘lmagan taqdirda, ichki ishlar organlarini jalb etgan holda uni qidirishi mumkin va shart. Bular ijrochi amalga oshirishga haqli va kerak bo‘lgan harakatlardir.
Bu masala yuzasidan prokuratura organlariga murojaat qilishingizni tavsiya qilgan bo‘lardik, negaki hozirga kunda MIB prokuratura qoshida tashkil etilgan organ hisoblanadi