Question

PAYSHANBA KUN BOSHQA-DA

Qozonga quyilgan yog‘,
Shomda hovli go‘yo bog‘,
Bugun bo‘lar ko‘ngil chog‘,
Payshanba kun boshqa-da.

Do‘stdan sir olib bo‘lmas,
Yuz-yuzdan solib bo‘lmas,
Ko‘chada qolib bo‘lmas,
Payshanba kun boshqa-da.

Palovning sergo‘shti bor,
Ishtahaning shashti bor,
Bir o‘zgacha gashti bor,
Payshanba kun boshqa-da.

Tugar ish ham ertaroq,
Ko‘ngil bo‘lar erkaroq,
Ahamiyat bermang bo‘ydoq,
Payshanba kun boshqa-da.