2024-2025 o‘quv yilidan o‘rta maxsuslar ishdan chetlatiladi degan karor chiqdimi?
@Yurist_Xizmati 4573-savol:
Men 32 yillik ukituvchiman. Malumotim urta maxsus.2024-2025- ukuv yillari men ishlashim mumkinmi? Kengrok tushuncha bersangiz. 2024 -2025 yildan urta maxsus ishdan chetlatiladi degan karor bormi? Men 1- sinf ochish uchun 25 ta ukuvchi tuplab kuyganman.Kanday yul tutishim kerak? Iltimos, kengrok tushuncha bersangiz.
YURIST JAVOBI:
❌ Bunday qaror chiqqani yo‘q.
❗️Aksincha, O‘zbekiston Respublikasi Maktabgacha va maktab ta’limi vazirining 2024-yil 1-apreldagi 105-son buyrug‘iga 4-ilovada tasdiqlangan Umumiy o‘rta ta’lim maktabi (maktab-internat) rahbar va xodimlarining malaka tavsiflariga muvofiq boshlang‘ich sinf o‘qituvchisi uchun – boshlang‘ich ta’lim ixtisosligi bo‘yicha kamida o‘rta maxsus pedagogik ma’lumot yoki kamida bakalavr darajasidagi oliy ma’lumot va boshlang‘ich ta’lim ixtisosligi bo‘yicha dars berish huquqi bilan kasbiy qayta tayyorlov kursini tugatganlik talabi qo‘yilgan.
✅ Shunga ko‘ra boshlang‘ich sinf o‘qituvchisi o‘rta maxsus ma’lumot bilan ishlashga haqli.
Faqat “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizom (ro‘yxat raqami № 3271) 15 16-bandlariga muvofiq dars taqsimotida dastlab oliy ma’lumotli o‘qituvchilarga dars taqsimlanadi ulardan ortib qolgandan so‘ng sizga dars berilishi mumkin.
♂️ Agar dars yetmasa, sizni ishdan bo‘shatish mumkin.