Uy ikki qavatli qilib qurilganda, 2-qavatiga ham soliq to‘lanadimi?
@Yurist_Xizmati 4548-savol:
Assalomu alaykum. 2018 yilda uyimizni buzib tashlab, kaytadan 2 kavat kilib soldik. Kadastr xujjatlarini xam yangiladik. Shundan keyin xovlining ikkinchi kavati uchun xam mulk soligi tulab boshladik. Xovlining ikkinchi kavati uchun mulk soligi tulanadimi? 2 kavat uchun solik tulanadimi?
YURIST JAVOBI:
❗️Mol-mulk solig‘i uyning necha qavatligiga qarab emas, uning qiymatiga qarab belgilanadi.
Qarang! Soliq kodeksining 419-moddasiga ko‘ra uy-joylar, kvartiralar, dala hovli imoratlari jismoniy shaxslardan olinadigan mol-mulk solig‘ining soliq solish obekti hisoblanadi.
Ushbu kodeks 420-moddasiga ko‘ra ko‘chmas mulkka bo‘lgan huquqlarni davlat ro‘yxatidan o‘tkazuvchi organ tomonidan belgilanadigan soliq solish obektlarining kadastr qiymati soliq bazasi hisoblanadi.
☝️Mana shu qoidaga muvofiq uyingiz uchun mol-mulk solig‘i uning necha qavatligiga qarab emas, uning kadastr ma’lumotlaridagi qiymati asosida belgilanadi.
♂️ Bunda soliq solish bazasi sizning 2 qavatli uyingizga nisbatan qirq ikki million so‘mdan kam bo‘lishi mumkin emas.
Soliq stavkasi esa ushbu kodeks 422-moddasiga asoasan uy-joylar va kvartiralar, dala hovli imoratlari (umumiy maydoni 200 kv.m gacha bo‘lganlarini qo‘shib hisoblaganda), ko‘p kvartirali uylarga uzviy bog‘liq bo‘lgan avtomashina turar joylari, shuningdek boshqa imoratlar, binolar va inshootlarga nisbatan 0,31 foizda hisoblanadi.