Endi bitta raqam orqali “skoriy”, “pojarniy” va militsiyani chaqirsa bo‘ladi.
O‘zbekistonda “112” yagona dispetcherlik xizmati tashkil etiladi.
Hukumatning tegishli qaroriga ko‘ra, hodisa va favqulodda vaziyatlar ro‘y berganda shoshilinch yordam ko‘rsatish uchun “112” qisqa raqam orqali fuqarolarning chaqiruvlarini qabul qilish va avtomatlashtirilgan tarzda qayta ishlash imkonini beruvchi yagona dispetcherlik xizmati tashkil etiladi.
“112” yagona dispetcherlik xizmati IIV, FVV, Sog‘liqni saqlash vazirligi, Ijtimoiy himoya milliy agentligi hamda “Hududgazta’minot” AJning shoshilinch xizmatlarini ma’lumotlarni uzatishning yagona tarmog‘iga birlashtirgan holda respublikaning barcha hududlari bo‘yicha aholiga shoshilinch yordam ko‘rsatish faoliyatini boshqarishning yagona tizimi hisoblanadi.