XOTINNING BORI YAXSHI
Bulbulday sayrasa ham,
Miyangni qayrasa ham,
Tinmasdan javrasa ham
Xotinning bori yaxshi.
Tillo zirak taqsa ham,
Boshda yong‘oq chaqsa ham,
Cho‘ntagingni qoqsa ham,
Xotinning bori yaxshi.
Yig‘lasa ham kulsa ham,
Sirlaringni bilsa ham,
Tergovchilik qilsa ham,
Xotinning bori yaxshi.
Bor yo‘g‘ingdan qilmas or,
Qadringni qilmaydi xor,
Uyda tekin xizmatkor,
Xotinning bori yaxshi.
Uyda bo‘lmasa bir dam,
Xotiring bo‘lmaydi jam,
Topilmas paypog‘ing ham,
Xotinning bori yaxshi.
Chin baxtni qucholmaysan,
Ko‘klarga ucholmaysan,
Choy damlab icholmaysan.
Xotinning bori yaxshi.
Hazil she’r bitdim kecha,
Mubolag‘asi ,, Jicha,"
U chindan qirolicha,
Xotinning bori yaxshi
┅┅✿❀❀✿┅┅┄