TЕGISHLI RUXSAT OLMAY TURIB TRANSPORT VOSITALARIGA TOVUSH CHIQARUVCHI VA YORITUVCHI MAXSUS QURILMALARNI O‘RNATGANLIK UCHUN AVTOMOBIL JARIMA MAYDONIGA QO‘YILISHI MUMKINMI?
JAVOB:
Ha, mumkin.
Ichki ishlar vazirining 2011 yil 31 maydagi 68-sonli buyrug‘i 36-bandiga asosan Kodeksning 127-moddasining ikkinchi qismida nazarda tutilgan ma’muriy huquqbuzarlik sodir etilganda, transport vositasi ushlab turish sababi bartaraf etilgunga va ma’muriy ish ko‘rib chiqilgunga qadar ushlab turilishi mumkin.
Bunda ma’muriy bayonnoma rasmiylashtirilib, transport vositasi ushlab qolinganligi haqidagi ma’lumot bayonnomaga qayd qilinadi va haydovchiga barcha hujjatlari qaytarib beriladi.
Eslatib o‘tamiz: Ma’muriy javobgarlik to‘g‘risidagi kodeksining 127 moddasi 2 qismiga ko‘ra tegishli ruxsat olmay turib transport vositalariga tovush chiqaruvchi va yorituvchi maxsus qurilmalarni o‘rnatish, fuqarolarga bazaviy hisoblash miqdorining bir baravaridan uch baravarigacha jarima solishga sabab bo‘ladi.