BORINGIZGA SHUKR SINFDOSH.
Bolalikdan birga ulg‘aygan,
Nonni bo‘lib do‘stga ilingan,
Darsda sho‘hlik qilib o‘tirgan,
Boringizga shukr sinfdosh.
Ba’zan qochib ketardik darsdan,
Yugurardik sakrab partadan,
Kaltakni ham yerdik ustozdan,
Boringizga shukr sinfdosh.
Siyohlarni sochib o‘z aro,
Darslarga ham bo‘lib be parvo,
Yaratgan zot etmasin judo!
Boringizga shukr sinfdosh.
Maktabni ham olgach bitirib,
Ola- xurjun bo‘yinga ilib,
Kuyov navkar bo‘ldik qiyqirib,
Boringizga shukr sinfdosh.
Mana o‘g‘il qizlik ham bo‘ldik,
Nabiralar ko‘rib ulgurdik,
Gap gashtakda hushnud o‘tirdik,
Boringizga shukr sinfdosh.
Yelkadoshmiz issiq sovuqda,
Oshlar yedik bitta tovoqda,
Musofirda kimlar uzoqda.
Boringizga shukr sinfdosh