Avtomashinamda radarga tushganligim uchun menga kelgan jarimani noto‘g‘ri deb xisoblab sudga shikoyat qilgan edim. Hali sud bo‘lgani yo‘q, lekin jarimani undirish MIBga chiqib ketibdi va
MIB hodimlari sudga shikoyat berganimga qaramasdan mendan undiruvni talab qilishyapti. Ularni shu harakati to‘g‘rimi ?
⚡️JAVOB;
"Sud xujjatlari va boshqa organ xujjatlarini ijro etish to‘g‘risida"gi O‘zbekiston Respublikasi qonuni 34-moddasiga ko‘ra, ma’muriy huquqbuzarlik to‘g‘risidagi ishlarni ko‘rib chiqish vakolatiga ega organlarning qarorlari ustidan sudga shikoyat berilganda ijro xujjati to‘xtatib turilishi kerakligi ko‘rsatilgan.
❗️Mazkur asos bo‘yicha Sizning sudga qilgan shikoyatingiz natijasi ma’lum bo‘lmaguncha ijro xujjati to‘xtatib turilishi lozim. Ya’ni, MIB hodimlari Sizni masalangiz sudda bir yoqli bo‘lmaguncha Sizdan jarimani talab qilmasligi kerak.