O‘g‘lim chet elga musobaqaga ketyapti, chetga chiqishi uchun otasidan rozilik olish kerakmi?
@Yurist_Xizmati 4507-savol:
Assalomu alaykum. Turmush urtogim bilan konuniy ajrashganman. Farzandim 9 yoshda. Otasi farzandidan xech kachon kelib xabar olmagan. Farzandim fan olimpiadasidan chet elgan chikishi kerak. Musobaka uchun. Otasini ruxsati kerak deyishyabdi. Alimentni bir - ikki yilda nomiga tulab kuyadi. Biror konuniy chorasi bormi? Naxotki shuncha yil xabar olmagan farzandi. Uning ruxsatisiz chetga chikolmasa.
YURIST JAVOBI:
O‘zbekiston Respublikasi Prezidentining 2018-yil 26-dekabrdagi PQ-4079-son qaroriga 1-ilovada tasdiqlangan O‘zbekiston Respublikasi fuqarolarining xorijga chiqish tartibi to‘g‘risidagi nizom 22-bandiga ko‘ra voyaga yetmagan farzandni chet elga chiqishida uning ota-onasi notarial rozilik berishi belgilangan.
Shuningdek, ushbu bandga ko‘ra 15 yoshdan 18 yoshgacha bo‘lgan fuqarolar ota-onalar, vasiylar (homiylar)ning voyaga yetmagan shaxsning mustaqil ravishda xorijga chiqishiga notarial tasdiqlangan roziligi bo‘lgan taqdirda, xorijga kuzatuvchisiz chiqishi mumkin.
Mazkur nizomning 33-bandida xorijga chiqishda ota-onaning roziligi olinmaydigan asoslar belgilangan. Unga muvofiq quyidagi holatlarda ota-onadan birining roziligi talab qilinmaydi:
ota-onaning biri vafot etganda;
boquvchisi yolg‘iz ona bo‘lgan hollarda;
bolaning ota-onasidan biri xorij fuqarosi bo‘lganida;
ota-onadan biri sud tomonidan ota-onalik huquqlaridan mahrum qilingan, bedarak yo‘qolgan deb topilgan yoxud muomalaga layoqatsiz deb topilganida;
ota-onadan birining O‘zbekiston Respublikasi hududidagi doimiy yashash joyi bo‘yicha ro‘yxati xorijga doimiy yashashga ketganligi munosabati bilan bekor qilinganida.
❗️Shunday ekan sizdagi holatda yuqoridagi asoslardan biri mavjud bo‘lmasa, farzandingiz qanday maqsadda chetga chiqishidan qat’iy nazar turmush o‘rtog‘ingiz bunga rozilik berishi lozim bo‘ladi.