Savol: Aliment va moddiy yordam olaman. Erimning oyligi yaxshi. Biroq aliment juda kam tushadi. Buni tekshirtirish uchun kimga murojaat qilish kerak?
✅ Javob: Oila kodeksiga muvofiq, aliment sud tomonidan belgilanganda aliment to‘lovchining har oydagi ish haqi va (yoki) boshqa daromadining:
bir bolaga – to‘rtdan bir qismi;
ikki bolaga – uchdan bir qismi;
uch va undan ortiq bolaga – yarmisi miqdorida undiriladi.
Har bir bola uchun undiriladigan aliment miqdori mehnatga haq to‘lash eng kam miqdorining 26,5 foizi (hozirgi kunda 259 700 so‘m)dan kam bo‘lmasligi kerak.
Davlat ijrochisi aliment bo‘yicha pul mablag‘larining qarzdorning ish haqidan to‘g‘ri ushlab qolinishi va o‘z vaqtida o‘tkazilishi yuzasidan undiruvchining arizasiga ko‘ra yoki o‘z tashabbusi bilan tekshirish o‘tkazishi mumkin.
✅ Shu sababli, Siz aliment pullari to‘g‘ri ushlab qolinayotganligini tekshirish uchun davlat ijrochisiga murojaat qilishga haqlisiz.
⚠️ Qarzdorning daromadlari va mulkiy ahvoli haqida noto‘g‘ri ma’lumotlar berganlik yoki qarzdor o‘zining ish joyi va boshqa daromadlar olish joyi haqida ma’lum qilmaganligi javobgarlikka tortishga asos bo‘ladi.