32 yil staji bor pedagog attestatsiyaga jalb etiladimi?
@Yurist_Xizmati 4458-savol:
Assalomu aleykum maktab faoliyatida 32 yil ishlagan óqituvchi toifasi mutaxasis bólsa attestatsiyaga jalb qilinadimi? Yoki yóqmi
YURIST JAVOBI:
Vazirlar Mahkamasining 2021 yil 17 sentyabrdagi 572-son qaroriga 1-ilova bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi nizom 4-bandiga ko‘ra majburiy attestatsiya 5 yilda o‘tkaziladi.
❗️Savolda 2021 yilda borganingizni yozgansiz, shunday ekan sizni bu yil majburiy attestatsiyaga jalb qilish mumkin emas.
Ikkinchidan, nizom 6-bandiga asosan:
pedagogik faoliyat bo‘yicha 25 yil va undan ko‘p ish stajiga ega bo‘lgan pedagog xodimlar;
yoshga doir pensiyaga chiqishi uchun 5 yildan ko‘p bo‘lmagan vaqt qolgan pedagog xodimlar navbatdagi majburiy attestatsiyaga jalb etilmaydi.
Bunda 8-bandi Vazirlar Mahkamasining 2023 yil 29 dekabrdagi 692-sonli qaroriga asosan «ye» kichik band bilan to‘ldirilgan, unga ko‘ra pedagogik faoliyat bo‘yicha 25 yil va undan ko‘p ish stajiga ega bo‘lgan hamda yoshga doir pensiyaga chiqishi uchun 5 yildan ko‘p bo‘lmagan vaqt qolgan pedagog kadrlarga — ularning amaldagi malaka toifasi (lavozimi) beriladi.
❗️Shunday ekan, sizda pedagogik soha bo‘yicha 32 yillik ish staji mavjud bo‘lgani tufayli siz majburiy attestatsiyaga jalb etilmaysiz va sizning toifangiz saqlanishi kerak deb hisoblaymiz. Ya’ni bunda o‘zingiz xohlasangiz, mutaxassis toifada qolishingiz mumkin.