Oilani saqlab turadigan to‘rt ustun.
Har bir oilaviy nizo, qiyinchiliklar- bu o‘zaro munosabatlarni yanada mustahkam bo‘lishi uchun qo‘yiladigan qadamlar va ularning ortida ko‘plab imkoniyatlar yotadi.
▫️Aslini olganda erkak va ayolning dunyo qarashlari turli xil va ular bir-birini to‘liq tushinishi har doim ham oson bo‘lavermaydi.
Oilada esa biz bir-birimizni his qilishni, tushunishni, o‘zaro farqlarimizni hurmat qilishni, o‘z kibrimizni yengishni, kechirishni, qabul qilishni va boshqa insonning baxtiga sherik bo‘lishni o‘rganamiz.
☑️Turmush har doim ham biz o‘ylagandek bo‘lavermaydi. Har birimiz ro‘paramizdagi insondan nimanidir kutib yashaymiz, umidlarimiz puchga chiqganda esa, hafsalamiz pir bo‘ladi. Bu vaziyatda biz muammoning yechimini birgalikda topish o‘rniga, o‘z qobig‘imizga berkinib, tushkunlikka tushamiz. Muammoli vaziyatda turmush o‘rtog‘ingiz bilan gaplashish siz uchun qanchalik og‘irqli va qiyin bo‘lmasin, yaqin insoningizdan qochmang, muammoni birga hal qilishga harakat qilib ko‘ring va shundagina munosabatlaringiz yangi bosqichga o‘tadi!
✅Oilani to‘rt ustun saqlab turadi:
1. Muhabbat
2. Kechirish
3. Sabr
4. O‘z fikrimizni so‘zlar bilan to‘g‘ri tushintira olish
❗️Bu jihatlarni o‘zimizda uyg‘ota olganimizdagina, oilaviy hayotimizda haqiqiy sevgi baxtini his qila olamiz