Rahbar xodimlar tadbirkorlik ochib qo‘shimcha ish bilan shug‘ullanishi mumkinmi?
@Yurist_Xizmati 4357-savol:
Assalomu alaykum. Men maktab direktoriman. Savolim shuki qo‘shimcha ish bilan shug‘ullansam bo‘ladi nomimga tadbirkorlik ochib yoki auksionda yer yutib fermerlik qilsam bo‘ladimi?
YURIST JAVOBI:
Fermer xo‘jaligi to‘g‘risidagi qonun 4-moddasiga muvofiq fermer xo‘jaligining boshlig‘i shu xo‘jalikning muassisi — fermerligi ekanligi belgilangan.
Bunda boshqa yuridik va jismoniy shaxslar bilan munosabatlarda fermer xo‘jaligi nomidan ana shu xo‘jalik boshlig‘i ish ko‘radi. Fermer xo‘jaligi boshlig‘ining huquq va majburiyatlarini boshqa shaxsga o‘tkazish taqiqlanadi.
Ushbu qoidaga ko‘ra f/xni uning rahbari boshqaradi.
Vazirlar Mahkamasining 2012 yil 18 oktyabrdagi 297-son qarori 2-bandiga ko‘ra davlat va xo‘jalik boshqaruvi organlarida, shu jumladan o‘rindoshlik asosida bir vaqtning o‘zida ikkita rahbarlik lavozimini egallashga yo‘l qo‘yilmaydi.
❌ Shunga ko‘ra siz maktab direktorligi bilan bir vaqtda fermer xo‘jaligi tashkil eta olmaysiz.