⚡️Ota-ona bola uchun 1,7 mln so‘mgacha jarima to‘lashi mumkin. Qachon?
▪️ Ota-onalar yoki ularning o‘rnini bosuvchi shaxslar tomonidan voyaga yetmagan bolalarni tarbiyalash va ularga ta’lim berish borasidagi majburiyatlarni bajarmaslik, shu jumladan voyaga yetmagan bolalarning ma’muriy huquqbuzarlik sodir etishiga olib kelishi — BHMning 1 baravaridan 5 baravarigacha (1,7 mln so'm) jarima solishga sabab bo‘ladi.
Bolalarni tarbiyalash va ularga ta’lim berish vazifalarini bajarmaslik deganda:
✅ harakatsizlikning turli shakllarini, ya’ni harakatsizlikning natijasida voyaga yetmaganlarni tarbiyalash yoki ularga
ta’lim berish to‘g‘risida yetarli g‘amxo‘rlik qilinmayotganliklarini tushunmoq kerak. Ota-onalar yoki ular o‘rnini bosuvchi shaxslarning o‘z vazifalarini bajarishdan bo‘yin tovlashi shu narsada ifodalanadiki, ular bolalarning ma’naviy tarbiyasi, jismoniy kamolga yetishi va sog‘lig‘ini mustahkamlash to‘g‘risida, ularning o‘z vaqtida umumiy o‘rta yoki kasb-hunar ta’limi olishlari, muvaffaqiyatli o‘qishlari to‘g‘risida zarur shart-sharoitlar yaratib berish haqida g‘amxo‘rlik qilmaydilar.