Yigit qizga qilgan harajatini qaytarib olishi mumkinmi?
@Yurist_Xizmati 4489-savol:
Assalomu alaykum singlim unashtirilganiga 3 yil bo‘ldi. Yaqinda to‘y qilamiz deb zaksdan o‘tgan edi. Endi to‘y malum sabablar bilan to‘xtatilyapti. Ikki tomon kelisholmay qolishdi. Yigit qilgan xarajatlarimni to‘laysan deb turib olgan. Yani singlim o‘qishga vaqti kartasiga pul tashlab turgan. Bundan tashqari qonuniy zaksdan ham o‘tib bo‘lishgan. Savolim bu vaziyatda pul qaytarib beriladimi va zaks xatini qanday bekor qilish mumkin endi ajrashgan hisoblanadimi? Iltimos tezroq javob bering juda zarur
YURIST JAVOBI:
❗️Bu vaziyatda singlingiz pulni qaytarmaslikka haqli. Negaki huquqiy jihatdan o‘sha yigit pullarni singlingizga hadya qilgan.
Fuqarolik kodeksining 502-moddasidaa hadya qiluvchi hadya oluvchiga ashyoni tekinga mulk qilib berishi yoki berish majburiyatini olishi yoxud uni o‘zi yoki uchinchi shaxs oldidagi mulkiy majburiyatdan ozod qilishi yoinki ozod qilish majburiyatini olishi hadya sifatida qayd etilgan.
Sizlardagi holatda ham aynan hadyaning konstruksiyasi qo‘llanilgan. Ya’ni yigit ma’lum miqdordagi mablag‘ni singlingizga hadya qilgan.
Undan tashqari ular o‘rtasida qonuniy nikoh qayd etilgandan boshlab ularning birgalikdagi olgan daromadlari Oila kodeksining 23-moddasiga asosan ularning umumiy mulki hisoblanadi. Ushbu kodeks 24-moddasiga asosan ular umumiy mulkdan foydalanishda, ularni tassaruf etishda (sarflashda) teng huquqlidir.
♂️ Yuqoridagi qoidalarga ko‘ra singlingizdan unga berilgan pullar qaytarilmaydi.
Ularning har ikkisi hech qanday nizosiz (bizningcha, ular o‘rtasida nizo mavjud. Pullarni qaytarish haqidagi masala ham nizo) birgalikda FHDYOga ariza bergan taqdirda Oila kodeksining 42-moddasiga asosan FHDYO ular o‘rtasidagi nikohni bekor qiladi.
♂️ Soddaroq aytganda ular ZAGS orqali ajrashishlari mumkin. Lekin bizningcha yigit pulni qaytarish haqida talab bilan qat’iy turib olsa, FHDYO ular o‘rtasida nizo mavjudligi sababli nikohni bekor qilmaydi. Bunday holatda nikoh sud tomonidan bekor qilinadi.