Assalomu alaykum!! Men bir necha yildan beri talim soxasida ishlab keldim va pensiyaga 2023 yil noyabr oyida chikdim. Xujjatlarni tugirlash maboynida uzimga boglik bulmagan tarzda ( yani tizimdagi shtatlarning kiskartirilishi jarayeni ketayetganligi sababli) arizani kabul kilish muddatingiz 61 kunga tuldi deb, noyabr, dekabr , yanvar oyining 18 gacha tulanmaydi deyishdi , vaxolanki men bir necha marotaba xujjat takdim kilishga borganimda birinchi marotaba kabul kilgan xodimni yukligini aytishgan va keyinchalik surishtirsak shtatlar kiskartirilishi munosabati bilan Rossiyaga ketganligi malum buldi
Kabul kilgan xodim bir nechta xujjatlarni tugrilab , takdim kilishim kerakligini va kanchalik kup va anik kilib arxivdan yetkazishni , ukigan oligoxdan spravka kerakligini suradi , va arizani 60 kundan kechiktirmay yezishimni takidlamadi xam.
Raxbar oldiga kirsam, endi tulanmaydi, vakt utdi, xoxlasangiz sudga bering dedi Iltimos maslaxat bering!! Kimga murojaat kilsam buladi???
JAVOB:
"Fuqarolarning davlat pensiya ta’minoti to‘g‘risida"gi Qonunning 46-moddasiga ko‘ra, Ariza qabul qilib olingan kun yoki so‘rovnoma kelib tushgan kun pensiya tayinlashni so‘rab murojaat etilgan kun deb hisoblanadi.
Arizaga barcha zarur hujjatlar ilova qilinmagan yoki axborot tizimlarida zarur ma’lumotlar mavjud bo‘lmagan hollarda, O‘zbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamg‘armasi bo‘limi murojaatchiga qo‘shimcha ravishda qaysi hujjatlar yoki ma’lumotlar taqdim etilishi kerakligi haqida xabar qiladi. Basharti ular qo‘shimcha hujjatlar yoki ma’lumotlar taqdim etilishi zarurligi haqidagi xabarnoma olingan kundan e’tiboran uch oy ichida taqdim etilsa, pensiya tayinlanishi to‘g‘risidagi ariza yoki so‘rovnoma qabul qilingan kun pensiya tayinlashni so‘rab murojaat etilgan kun deb hisoblanadi.
Mazkur qonunning 47-moddasida esa yoshga doir pensiya — agar pensiya olish huquqi paydo bo‘lgan kundan boshlab oltmish kun ichida uni so‘rab murojaat etilgan bo‘lsa, pensiya yoshiga to‘lgan kundan e’tiboran tayinlanadi. Ushbu pensiya umrbod tayinlanishi belgilangan.
Ya’ni siz pensiya yoshiga to‘lgan kundan boshlab 60 kun ichida pensiyaga chiqish uchun bo‘limga murojaat qilgan bo‘lsangiz ushbu kuni sizni murojaat qilgan kuning hisoblanadi. Shuningdek, sizga kamchiliklarni to‘g‘rilash uchun 3 oygacha vaqt beriladi va shu 3 oydan kechiktirmasdan hujjatlar to‘li olib kelinsa, sizga murojaat qiligan kuningizdan pensiya to‘lanishi belgilangan. Lekin pensiya yoshiga to‘lib, 60 kun ichida murojaat qilgan bo‘lsangiz unda yoshga to‘lgan kuningizdan pensiya hisoblanishi boshlanadi.
Bunda 2 xil muddat muhim ro‘l o‘ynaydi. birinchisi yoshga to‘lgan kuningizdan pensiya tayinlanishini xohlasangiz 60 kundan kechikmasdan bo‘limga murojaat qilgan bo‘lishingiz kerak. 30 chi kunida murojaat qilgan bo‘lsangiz ham agar hujjatlarni to‘liq 3 oydan kechiktirmay topshirsangiz sizga shu yoshga to‘lgan kuningizdan pensiya tayinlanadi.
Agar sizda yuqorida siz bilan sodir bo‘lgan voqeaning dalillari bo‘lsa, ya’ni birinchi qabul qilgan xodimning yo‘qligi, ikkinchi borganingizda yozma javoblar orqali hujjatlarni to‘g‘rilashga yuborilganligingizni va sizga bog‘liq bo‘lmagan holda 3 oy muddatni o‘tkazib yuborganingizni isbotlay olsangiz sudga murojaat qilishingiz mumkin.