Sevgan ayolingiz uchun dunyolarni ostin-ustun qilishingizga hojat yoʻq!
Uning dunyosini boshiga qulatmang, shu kifoya...
Sevgan ayolingizga bir-biridan goʻzal vaʼdalar berishingizni keragi yoʻq!
Siz bilan bogʻliq xayollarini havoga sovurmang, shu yetarli...
Sevgan ayolingizga sevgingizni isbotlashingizga hojat yoʻq!
Sizga boʻlgan hadsiz ishonchini oyoq ostiga olib ezgʻilamasangiz, shu kifoya...
Sevgan ayolingizni koʻklarga koʻtarib izzat qilishingizga ehtiyoj yoʻq!
Uning qalbini ishqdan masrur etib, baxtdan oyoqlarini yerdan uzsangiz, shu kifoya...
Sevgan ayolingizni qah-qaha otib kuldirishingizga hojat yoʻq!
Sovuq eʼtiboringiz ila uni yum-yum yigʻlatmasangiz, shu kifoya...
Sevgan ayolingizga jannatlarni vaʼda qilishingizga hojat yoʻq!
Unga sadoqatsizlik qilib, hayotini jahannamga aylantirmang, shuning oʻzi kifoya!
Ayolga dunyolar kerak emas!
Zotan, suyganlarining mehr-eʼtibori unga dunyolardanda ulkan baxtni inʼom etishga qodir!